തിരുവനന്തപുരം:ശബരിമല സ്വര്ണക്കൊള്ള അന്വേഷിക്കുന്ന എസ്.ഐ.ടിയില് സി.പി.എം ബന്ധമുള്ള രണ്ട് സി.ഐമാരെ നിയോഗിച്ചത് അന്വേഷണം അട്ടിമറിക്കാനെന്നു പ്രതിപക്ഷനേതാവ് വി.ഡി സതീശന്. ഈ നിയമനത്തിന് പിന്നില് മുതിര്ന്ന രണ്ട് ഐ.പി.എസ് ഉദ്യോഗസ്ഥരും ക്രൈംബ്രാഞ്ചിലെ ഉന്നതനുമാണെന്നും ഹൈക്കോടതി മേല്നോട്ടത്തിലുള്ള എസ്.ഐ.ടിയില് നുഴഞ്ഞ് കയറാനും വാര്ത്തകള് സര്ക്കാരിലേക്ക് ചോര്ത്താനുമുള്ള നീക്കമാണഅ ഇതിനു പിന്നിലുള്ളതെന്നും സതീശന് ആരോപിച്ചു.
എസ്.ഐ.ടിയെ നിര്വീര്യമാക്കാനുള്ള ഈ നീക്കത്തില് ഹൈക്കോടതി അടിയന്തരമായി ഇടപെടണം. ശബരിമല സ്വര്ണക്കൊള്ള അന്വേഷിക്കാന് ഹൈക്കോടതി നിയോഗിച്ച എസ്.ഐ.ടിയില് സി.പി.എം നേതൃത്വവുമായി ബന്ധമുള്ള രണ്ട് സി.ഐമാരെ നിയോഗിച്ചത് അന്വേഷണ സംഘത്തിന്റെ വിശ്വാസ്യത തകര്ക്കുന്നതാണ്. എന്ത് മാനദണ്ഡത്തിന്റെ അടിസ്ഥാനത്തിലാണ് സി.പി.എം ഫ്രാക്ഷനില് ഉള്പ്പെട്ടവരെ എസ്.ഐ.ടിയില് നിയോഗിച്ചതെന്നു വ്യക്തമാക്കണം.
ഹൈക്കോടതിയുടെ മുന്നില് ഈ രണ്ടു പേരുകള് വന്നതിന് പിന്നില് സംസ്ഥാനത്തെ രണ്ട് മുതിര്ന്ന ഐ.പി.എസ് ഉദ്യോഗസ്ഥരും ക്രൈംബ്രാഞ്ച് ആസ്ഥാനത്തിരുന്ന് സി.പി.എമ്മിനു വേണ്ടി വിടുപണി ചെയ്യുന്ന ഉന്നതനുമാണ്. ക്രമസമാധാന ചുമതലയില് ഇരുന്നപ്പോള് ഇതേ ഉദ്യോഗസ്ഥന് കോണ്ഗ്രസ് നേതാക്കള്ക്കെതിരെ കള്ളക്കേസുകള് ചുമത്തി കുപ്രസിദ്ധനായ വ്യക്തിയാണ്. ക്രൈംബ്രാഞ്ച് ആസ്ഥാനത്ത് ഇരുന്ന് സി.പി.എമ്മിനു വേണ്ടി അന്വേഷണം അട്ടിമറിക്കാനുള്ള ശ്രമമാണ് ഇയാള് നടത്തുന്നത്.
മുതിര്ന്ന ഐ.പി.എസ് ഉദ്യോഗസ്ഥര് എസ്.ഐ.ടിയെ സ്വാധീനിക്കാള് ശ്രമിക്കുന്നെന്ന് കഴിഞ്ഞ ദിവസം താന് ആരോപണം ഉന്നയിച്ചിരുന്നു. അവരുടെ ഇടപെടലും എസ്.ഐ.ടിയെ നിര്വീര്യമാക്കാനും അന്വേഷണം അട്ടിമറിക്കാനുമുള്ള ഈ നീക്കത്തിന് പിന്നിലുണ്ടെന്നും സതീശന് കുറ്റപ്പെടുത്തി. എസ്.ഐ.ടിയുടെ നീക്കങ്ങള് സര്ക്കാരിലേക്ക് ചോര്ത്തുകയും അന്വേഷണത്തെ വഴിതിരിച്ചു വിട്ട് യഥാര്ത്ഥ കുറ്റവാളികളെ സംരക്ഷിക്കുകയുമാണ് ഈ സംഘത്തിന്റെ ലക്ഷ്യം.
ശബരിമലയിലെ സ്വര്ണക്കൊള്ള കേസ് അട്ടിമറിക്കാനുള്ള സര്ക്കാരിന്റെയും സി.പി.എമ്മിന്റെയും നീക്കത്തിന് പൊലീസിലെ ഒരു വിഭാഗം ഉദ്യോഗസ്ഥര് ഒത്താശ ചെയ്യുന്നു. ഹൈക്കോടതിയുടെ ഇടപെടല് പോലും അട്ടമറിക്കാനാണ് ഇവരുടെ നീക്കം. ഇക്കാര്യത്തില് ബഹു. ഹൈക്കോടതി അടിയന്തിര പരിശോധനയും ഇടപെടലും നടത്തണമെന്നും അദ്ദേഹം ആവശ്യപ്പെട്ടു
Two CIs with CPM links were appointed to the SIT investigating the Sabarimala gold theft to sabotage the investigation: Opposition leader
