ഹ്യൂസ്റ്റണ്, (ടെക്സാസ്): വേള്ഡ് മലയാളി കൗണ്സില് (WMC) ‘സ്നേഹപൂര്വ്വം 2026” എന്ന പേരില് പുതുവത്സര 2026 ഡിന്നര് നൈറ്റ് 2026 ജനുവരി 4-ന് (ഞായര്) വൈകിട്ട് 5:00 മണിക്ക് ടെക്സാസിലെ സ്റ്റാഫോര്ഡിലുള്ള സ്റ്റാഫോര്ഡ് ബാങ്ക്വറ്റ് ഹാളില് സംഘടിപ്പിക്കുന്നു. സമൂഹത്തി ന് നല്കിയ അതുല്യമായ പൊതുസേവനത്തിന്റെയും സുപ്രധാന സംഭാവനകളുടെയും അംഗീകാരമായി മിസൂരി സിറ്റി മേയര് റോബിന് ഇലക്കാട്ടിന് ഗ്ലോബല് സിറ്റിസണ് അവാര്ഡ് സമ്മാനിക്കുന്നതാണ് പരിപാടിയുടെ മുഖ്യ ആകര്ഷണം.
വേള്ഡ് മലയാളി കൗണ്സിലിന്റെ മുതിര്ന്ന ആസ്ഥാന ഭാരവാഹികളായ തോമസ് മൊട്ടക്കല് (ഗ്ലോബല് ചെയര്), ഡോ. ബാബു സ്റ്റീഫന് (ഗ്ലോബല് പ്രസിഡന്റ്), ജെയിംസ് കൂടല് (ഗ്ലോബല് വൈസ് പ്രസിഡന്റ്), ഡോ ഷിബു സാമുവല് ( റീജിയന് ചെയര്മാന്),ബ്ലെസ്സണ് മണ്ണില് (റീജിയന് പ്രസിഡന്റ്) എന്നിവര്ക്കായി പ്രത്യേക സ്വീകരണവും സംഘടിപ്പിക്കും.. പരിപാടിയുടെ മുഖ്യാതിഥിയായി ഫോര്ട്ട് ബെന്ഡ് കൗണ്ടി ജഡ്ജി കെ. പി. ജോര്ജ് പങ്കെടുക്കും.
അതിഥികളായി സ്റ്റാഫോര്ഡ് സിറ്റി മേയര് കെന് മാത്യൂ, ഫോര്ട്ട് ബെന്ഡ് കൗണ്ടി കോടതി ജഡ്ജി സുരേന്ദ്രന് പട്ടേല്, ക്യാപ്റ്റന് മനു പൂപ്പാറയില് എന്നിവര് പങ്കെടുക്കും.സമൂഹ നേതാക്കളെയും ജനപ്രതിനിധികളെയും മലയാളി കുടുംബങ്ങളെയും ഒരുമിച്ചു കൂട്ടുന്ന ഈ സായാഹ്നം ഐക്യത്തിന്റെയും സൗഹൃദത്തിന്റെയും സാംസ്കാരിക അഭിമാനത്തിന്റെയും ആത്മാവില് പുതുവത്സരം ആഘോഷിക്കുന്നതിനായാണ് ഒരുക്കിയിരിക്കുന്നത്. വേള്ഡ് മലയാളി കൗണ്സില് ഉയര്ത്തിപ്പിടിക്കുന്ന ആഗോള ദര്ശനവും സാംസ്കാരിക മൂല്യങ്ങളും ഇതിലൂടെ പ്രതിഫലിക്കും.
RSVP & ബന്ധപ്പെടാന്:
അഡ്വ. ലാല് എബ്രഹാം, ഹൂസ്റ്റണ് പ്രവിശ്യ ചെയര് – +1 (346) 228-9925
തോമസ് സ്റ്റീഫന്, ഹൂസ്റ്റണ് പ്രവിശ്യ പ്രസിഡന്റ് – +1 (832) 274-9252
ബിജു ഇട്ടന്, ലക്ഷ്മി പീറ്റര്, ഹിമി ഹരിദാസ് എന്നിവര് അംഗങ്ങളായ പ്രോഗ്രാം കമ്മിറ്റിയാണ് പരിപാടി സംഘടിപ്പിക്കുന്നത്.
World Malayali Council meeting in Houston: Mayor Robin Elakat receives Global Citizen Award
