തിരുവനന്തപുരം: ഇടതുമുന്നണിയുമായി അഭിപ്രായ ഭിന്നതയിലായ മുന് ചലച്ചിത്ര അക്കാദമി ചെയര്മാനും നടനുമായ പ്രേംകുമാറിനെ കഴക്കൂട്ടം മണ്ഡലത്തില് ്സഥാനാര്ഥിയാക്കാനുള്ള നീക്കവുമാി യുഡിഎഫ്. കഴിഞ്ഞ ദിവസം പ്രേംകുമാറുമായി എഐസിസി ജനറല് സെക്രട്ടറി കെസി വേണുഗോപാല് ഫോണില് സംസാരിച്ചിരുന്നു.
കഴക്കൂട്ടത്ത് പ്രേംകുമാറിനെ യുഡിഎഫ് സ്ഥാനാര്ഥിയാക്കുന്നത് ഗുണം ചെയ്യുമെ ന്നാണ് കോണ്ഗ്രസ് erതൃത്വത്തിന്റെ വിലയിരുത്തല്. കോണ്ഗ്രസ് നേതൃയോഗ ചര്ച്ചയ്ക്കായി ഇന്നു തിരുവനന്ത പുരത്തുള്ള വേണുഗോ പാല്, കെപിസിസി പ്രസിഡന്റ് സണ്ണി ജോസഫ്, എന്നിവരുമായി പ്രേംകുമാര് കൂടിക്കാഴ്ച നടത്തി യേക്കു മെന്നും റിപ്പോര്ട്ടുകള് പുറത്തുവരുന്നുണ്ട്.
പ്രേംകുമാര് കോണ്ഗ്രസില് ചേരുമെന്ന അഭ്യൂഹങ്ങള്ക്കിടെ അനുനയ നീക്കവുമായി സിപിഎം നേതാവും മുന് മന്ത്രിയും എംഎല്എയുമായ കടകംപള്ളി സുരേന്ദ്രന് ഇന്നലെ പ്രേംകുമാറിന്റെ കഴക്കൂട്ടത്തെ വീട്ടില് എത്തിയിരുന്നു. നടന് വീട്ടിലില്ലാത്തതിനാല് കാണാനാകാതെ മടങ്ങുകയും ചെയ്തു.
കാലങ്ങളായി ഇടതുപക്ഷത്തോടൊപ്പമാണ് പ്രേംകുമാര്. നിലവില് ചില പ്രശ്നങ്ങളുണ്ടെന്നാണ് മനസിലാക്കുന്നത്. അക്കാര്യങ്ങള് പ്രേംകുമാറുമായി സംസാരിക്കുമെന്നും കടകംപള്ളി സുരേന്ദ്രന് പറഞ്ഞു.
ചലച്ചിത്ര അക്കാദമി ചെയര്മാന് സ്ഥാനത്ത് നിന്ന് ഒരു വാക്ക് പോലും പറയാതെ മാറ്റിയതില് അതൃപ്തി പരസ്യമാക്കി കഴിഞ്ഞ ദിവസം പ്രേംകുമാര് രംഗത്തെത്തിയിരുന്നു. ഫെയ്സ്ബുക്കില് എഴുതിയ കുറിപ്പിലായിരുന്നു പ്രേംകുമാര് അതൃപ്തി പരസ്യമാക്കിയത്.
Move to make actor Premkumar the UDF candidate in Kazhakoottam
