തിരുവനന്തപുരം: സംസ്ഥാനത്ത് ബാറുകളുടെ പ്രവര്ത്തനസമയം രണ്ട് മണിക്കൂര് കൂട്ടിയത് സംബന്ധിച്ചു പുതിയ വിവാദം. ഇടതു മു ന്നണി യോഗത്തിലോ മന്ത്രിസഭയിലോ അറിയിക്കാതെയാണ് ഇത്തരമൊരു നീക്കമെന്നാണ് സൂചന. നിയമസഭാ തെരഞ്ഞെടുപ്പ് പടിവാതില് ക്കല് നില്ക്കെയാണ് ബാറുടമകൾക്കുള്ള സർക്കാരിന്റെ സമ്മാനമാനോ എന്നാണ് പുറത്തു വരുന്ന ചോദ്യം.
കൂടിയാലോചനകള് ഇല്ലാതെ തീരുമാന മെടുത്തതില് ഇടുതുമുന്നണിയില് തന്ന കടുത്ത അതൃപ്തിയുള്ളതായാണ് സൂചന.2025 സെപ്റ്റംബറില് ഫെഡറേഷന് ഓഫ് കേരള ഹോട്ടല്സ് അസോസി യേഷന് നല്കിയ അപേക്ഷയാണ് മുഖ്യമന്ത്രിയുടെ അനുമതിയോടെ അംഗീകരിച്ച് നികുതി വകുപ്പ് വിജ്ഞാപനമിറക്കിയത്.. ഡ്രൈഡേകളില് 50,000 രൂപ പ്രത്യേക ഫീസ് ഈടാക്കി മദ്യം നല്കാൻ ബാറുകള്ക്ക് കഴിഞ്ഞ മദ്യനയത്തില് സര്ക്കാര് അനുമതി നല്കിയിരുന്നു. അടുത്ത മദ്യനയമിറ ക്കേണ്ടത് പുതിയ സര്ക്കാരാണ് എന്നിരിക്കെയാണ് നയത്തിനുമുന്പേ ബാറുകള്ക്ക് സര്ക്കാര് ഇളവ് പ്രഖ്യാപിച്ചത്.
ഇതുവരെ വിജ്ഞാപനം ചെയ്യപ്പെട്ട ടൂറിസം കേന്ദ്രങ്ങൾക് മാത്രമായിരുന്നു ബാറുകള്ക്ക് രാവിലെ പത്തു മുതൽ പുലർച്ചെ 12 എന്ന സമയം അനുവദിച്ചിരുന്നത്. വിദേശമദ്യ ചട്ടത്തില് വരുത്തിയ വരുത്തിയ ഭേദഗതിയോടെ ഇത് എല്ലാ ബാറുകള്ക്കും ബാധകമാക്കി. പുതിയ പരിഷ്കാരം അനുസരിച്ച് ഫൈവ് സ്റ്റാര് ബാറുകള് അധികഫീസ് അടച്ചാല് പുലര്ച്ചെ മൂന്നിന് അടച്ചാല് മതി. വിവാഹ സല്ക്കാരം, കോണ്ഫറന്സ് ടൂറിസം ഉള്പ്പടെയുള്ള ആവശ്യങ്ങള് കണക്കിലെടുത്താണ് ഇതെന്നാണ് വാദം. എന്നാല് പിറ്റേദിവസം ഡ്രൈഡേ ആണെങ്കില് തലേന്ന് രാത്രി പന്ത്രണ്ടിന് തന്നെ അടയ്ക്കണം.
2025 സെപ്റ്റംബറില് തന്നെ ബാറുടമകളുടെ അപേക്ഷയില് തീരുമാനമെടുക്കാന് നികുതി വകുപ്പ് ഫയല് തുറന്നിരുന്നു.
Was the bar’s hours extended without the front’s knowledge? Was it to appease the bar owners?
