ട്വന്റി 20 ലോകകപ്പ് സെമി ഫൈനലിൽ നിലവിലെ ചാമ്പ്യന്മാരായ ഇംഗ്ലണ്ടിനെ 7 റൺസിന് തോൽപ്പിച്ച് ഇന്ത്യ ഫൈനലിൽ കടന്നു. ആവേശകരമായ പോരാട്ടത്തിൽ ഇംഗ്ലണ്ടിന്റെ വെല്ലുവിളി അതിജീവിച്ചാണ് ഇന്ത്യ കലാശപ്പോരിന് ടിക്കറ്റെടുത്തത്. ഇന്ത്യ ഉയര്ത്തിയ 254 റണ്സിന്റെ കൂറ്റന് വിജയലക്ഷ്യം പിന്തുടര്ന്ന ഇംഗ്ലണ്ട് ജേക്കബ് ബെഥേലിന്റെ വെടിക്കെട്ട് സെഞ്ചുറി കരുത്തില് ലക്ഷ്യത്തിന് അടുത്തെത്തിയെങ്കിലും 7 റണ്സകലെ പൊരുതി വീണു. നാലാമനായി ഇറങ്ങി 48 പന്തില് 105 റണ്സടിച്ച ജേക്കബ് ബെഥേലാണ് ഇംഗ്ലണ്ടിന്റെ ടോപ് സ്കോറര്. ആദ്യം ബാറ്റ് ചെയ്ത മലയാളി താരം സഞ്ജു സാംസണിന്റെ വെടിക്കെട്ട് അര്ധസെഞ്ചുറിയുടെ കരുത്തിൽ 20 ഓവറില് 7 വിക്കറ്റ് നഷ്ടത്തില് 253 റണ്സെടുത്തത്. 42 പന്തില് 89 റണ്സെടുത്ത സഞ്ജുവാണ് ഇന്ത്യയുടെ ടോപ് സ്കോറർ. ഞായറാഴ്ച നടക്കുന്ന ഫൈനലിൽ ന്യൂസീലൻഡാണ് ഇന്ത്യയുടെ എതിരാളികൾ.
സെമി ഫൈനലിൽ തകർപ്പൻ പ്രകടനം കാഴ്ചവെച്ച സഞ്ജു സാംസണാണ് മത്സരത്തിലെ താരം. സഞ്ജുവിന്റെ ബാറ്റിംഗ് മികവാണ് ഇന്ത്യയെ മികച്ച നിലയിലെത്തിച്ചത്. ബൗളർമാരുടെ കൃത്യതയാർന്ന പ്രകടനവും ഫീൽഡിംഗിലെ മികവും അവസാന ഓവറുകളിൽ ഇന്ത്യയ്ക്ക് വിജയം ഉറപ്പാക്കി നൽകി.
ഇതോടെ 2024-ന് ശേഷം വീണ്ടുമൊരു ലോകകപ്പ് കിരീടത്തിനരികെ ഇന്ത്യ എത്തിയിരിക്കുകയാണ്. ഗ്രൂപ്പ് ഘട്ടം മുതൽ തോൽവി അറിയാതെ കുതിക്കുന്ന ഇന്ത്യയും കരുത്തരായ ന്യൂസീലൻഡും തമ്മിലുള്ള ഫൈനൽ പോരാട്ടത്തിനായി ആവേശത്തോടെ കാത്തിരിക്കുകയാണ് ക്രിക്കറ്റ് ലോകം.
