ന്യൂഡല്ഹി: ഡോളറിനെതിരേ രൂപയുടെ നിരക്ക് കൂപ്പുകുത്തി പശ്ചമേഷ്യയിലെ സംഘര്ഷ സാഹചര്യങ്ങളില് രൂപ സമീപകാലത്തെ ഏറ്റവും വലിയ ഇടിവ് നേരിട്ടത്. ഡോളറിനെതിരെ രൂപ 93.08 രൂപയിലേക്കാണ് കൂപ്പുകുത്തിയത്.
പശ്ചിമേഷ്യയിലെ സംഘര്ഷവും ഇതിന്റെ ഭാഗമായുണ്ടായ എണ്ണവില മാറ്റങ്ങളും ഡോളര് ശക്തിയാര്ജിച്ചതുമാണ് രൂപയെ സ്വാധീനിക്കുന്നത്. കൂടാതെ ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡിന്റെ വില ബാരലിന് നൂറ് ഡോളറിന് മുകളില് തന്നെയാണ്.
കടലില് കുടുങ്ങിക്കിടക്കുന്ന ഇറാനിയന് എണ്ണയ്ക്ക് മേലുള്ള ഉപരോധം ഉടന് നീക്കുമെന്ന് യുഎസ് പറഞ്ഞതിന് പിന്നാലെ ഇന്ന് രാവിലെയോടെ ക്രൂഡ് ഓയില് വിലയില് കുറവുണ്ടായിട്ടുണ്ട്.
രാവിലെ 9.56 ന് ബ്രെന്റ് ഓയില് 1.53 ശതമാനം കുറഞ്ഞ് 106.99 ഡോളറിലും, ഡബ്ല്യുടിഐ (വെസ്റ്റ് ടെക്സസ് ഇന്റര്മീഡിയറ്റ്) ക്രൂഡ് ഓയില് 2.02 ശതമാനം കുറഞ്ഞ് 93.62 ഡോളറിലുമാണ് വ്യാപാരം നടന്നത്. അപ്പോഴും ഇന്ത്യന് രൂപയുടെ മൂല്യത്തിലെ തകര്ച്ച തുടരുകയാണ്.
Rupee plunges against dollar: Rupee falls to 93.08 against one dollar
