കോട്ടയം: ജനശതാബ്ദി എക്സ്പ്രസ് ട്രെയിനിനു നേരെയുണ്നരെയുണ്ടായ കല്ലേറില് യാത്രക്കാരിയ്ക്ക് പരിക്കേറ്റ സംഭവത്തില് ഒരാള് പിടിയില്. പശ്ചിമ ബംഗാള് സ്വദേശി പ്രകാശ് ധാലി(26)യെയാണ് കോട്ടയം ആര്പിഎഫ് പിടികൂടിയത്.
മാര്ച്ച് ആറിനായിരുന്നു ട്രെയിനിനു നേരെ കല്ലേറുണ്ടായത്. പിറവം റെയില്വേ സ്റ്റേഷനില്വച്ചായിരുന്നു ട്രെയിനിന് കല്ലെറിഞ്ഞത്. വൈകിട്ട് ആറരയോടെയാണ് പിറവം റെയില്വേ സ്റ്റേഷനു സമീപത്തുവച്ച് ട്രെയിനിന്റെ ഡി-7 കോച്ചിനു നേരെ കല്ലേറുണ്ടായത്. കല്ലേറില് 104 നമ്പര് സീറ്റിലെ വനിതാ യാത്രക്കാരിക്ക് പരിക്കേറ്റു. ട്രെയിനിന്റെ ഇടത് ഭാഗത്തുനിന്നാണ് കല്ലേറുണ്ടായത്. ആക്രമണത്തില് ഇവരുടെ ഇടത് കൈയ്ക്ക് പരിക്കേറ്റു. ആര്പിഎഫ് എസ്എച്ച്ഒ എന് എസ് സന്തോഷിന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. ഇയാളെ കൂടുതല് ചോദ്യം ചെയ്തു വരികയാണ്.
Stone pelting at Jan Shatabdi train: Interstate worker arrested
