കൊച്ചി: ക്രിസ്തുവിന്റെ പീഡാനുഭവവും കുരിശുമരണവും അനുസ്മരിച്ച് ലോകമെങ്ങും ഇന്ന് ദുഖവെള്ളി ആചരിക്കുന്ന. വിവിധ ദേവാലയങ്ങളില് ഇന്നു മുഴുവന് പ്രത്യേക പ്രാര്ത്ഥന ചടങ്ങുകള് നടക്കും. ലോകത്തിന്റെ മുഴുവന് പാപങ്ങളും ഏറ്റുവാങ്ങി സ്വയം ബലിയായ ക്രിസ്തു സഹിച്ച പീഡാനുഭവങ്ങളുടെ പരിസമാപ്തിയാണ് കുരിശു മരണം. കുരിശു മരണത്തിനു മുന്നോടിയായി യേശുവിന്റെ പീഡാനുഭവങ്ങളുടെ ഓര്മ പുതുക്കാന് കുരിശിന്റെ വഴിയിലും വിശ്വാസികള് പങ്കെടുക്കും.
കര്ദിനാള് മാര് ക്ലീമീസ് കാതോലിക്കാബാവ പട്ടം സെന്റ് മേരീസ് കത്തീഡ്രലില് ദുഖവെളളി പ്രാര്ഥനകള്ക്ക് നേതൃത്വം നല്കും. സെന്റ് മേരീസ് കത്തീഡ്രലിലെ ശുശ്രൂഷകള്ക്ക് ആര്ച്ച് ബിഷപ്പ് റാഫേല് തട്ടില് നേതൃത്വം നല്കും.ഓര്ത്തഡോക്സ് സഭാധ്യക്ഷന് ബസേലിയോസ് മാര്ത്തോമ്മാ മാത്യൂസ് തൃതീയന് കാതോലിക്കാ ബാവാ പാമ്പാടി മാര് കുറിയാക്കോസ് ദയറായില് ദുഃഖവെള്ളി ചടങ്ങുകള്ക്ക് മുഖ്യ കാര്മ്മികത്വം വഹിക്കും.
പശ്ചിമേഷ്യന് സംഘര്ഷത്തിന്റെ ഭാഗമായി ഗള്ഫ് മേഖലകളിലെ പല പള്ളികളിലെയും ചടങ്ങുകള് ഓണ്ലൈനായാകും നടത്തുക. ദുബൈയില് ഇതുമായി ബന്ധപ്പെട്ട സര്ക്കാര് ഉത്തരവ് പള്ളികളിലെ അധികാരികള്ക്ക് കൈമാറിയിരുന്നു. ഇതിന്റെ അടിസ്ഥാനത്തിലാണ് ഓണ്ലൈന് ആയി ചടങ്ങുകള് നടത്താന് സഭകള് തീരുമാനിച്ചത്.
Good Friday is being observed around the world today, commemorating the Passion of Christ.
