കല്പ്പറ്റ: മുഖ്യമന്ത്രി ആരെന്ന തീരുമാനത്തില് അതിരൂക്ഷമായ വാദപ്രതിവാദങ്ങള് നടക്കുന്നതിനിടെ രാഹുല് ഗാന്ധിക്കും പ്രിയങ്ക ഗാന്ധിക്കുമെതിരേ രൂക്ഷ വിമര്ശനവുമായി വയനാട്ടില് പോസ്റ്റര്. മുഖ്യമന്ത്രി സ്ഥാനത്തേക്ക് കെ സി വേണുഗോപാലിനെ പിന്തുണച്ചാല് കേരളത്തിലെ ജനങ്ങള് മാപ്പ് തരില്ലെന്നും, വയനാട് ഇനി അടുത്ത അമേഠിയായി മാറുമെന്നുമാണ് പോസ്റ്ററുകളിലെ വാക്കുകള്. വയനാട് ഡി സി സി ഓഫീസിന് സമീപമാണ പോസ്റ്ററുകള് പതിപ്പിച്ചിരിക്കുന്നത്.
ഭീഷണി പോസ്റ്റര് അല്ലെന്നും വിഡ്ഢിത്തത്തിന് കേരളം ഒരിക്കലും നിങ്ങള്ക്ക് മാപ്പ് തരില്ലെന്നും പോസ്റ്ററിലുണ്ട്.
രാഹുലും പ്രിയങ്കയും വയനാടിനെ മറന്നേക്കൂ. ഇവിടെ നിന്നും ഇനി നിങ്ങള് ജയിക്കില്ല. കേരളം മറ്റൊരു അമേഠി ആയിരിക്കും. സുരക്ഷിത സീറ്റ് തേടി ഇങ്ങോട്ടേക്ക് വരേണ്ടതില്ലെന്നും പോസ്റ്ററില് സൂചിപ്പിക്കുന്നു. ആരുടെയും പേരില്ലാതെ പ്രത്യക്ഷപ്പെട്ട പോസ്റ്ററുകള് കോണ്ഗ്രസിനുള്ളിലെ ഗ്രൂപ്പ് പോര് തെരുവിലേക്ക് പടരുന്നതിന്റെ സൂചനയായാണ് രാഷ്ട്രീയ കേന്ദ്രങ്ങള് വിലയിരുത്തുന്നത്.
Chief Minister controversy: Poster against Rahul and Priyanka in Wayanad
