മിനസോട്ട മലയാളി അസോസിയേഷന്റെ (MMA) ആഭിമുഖ്യത്തിൽ ഈ വർഷത്തെ ഈദ് ആഘോഷങ്ങൾ വിപുലമായ പരിപാടികളോടെ അരങ്ങേറി. മെയ് ഒൻപതിന് സംഘടിപ്പിച്ച ‘Mehfil 2026’ എന്ന സാംസ്കാരിക മഹോത്സവം ജനപങ്കാളി ത്തം കൊണ്ടും സംഘാടക മികവുകൊണ്ടും ഏറെ ശ്രദ്ധേയമായി.
സൗഹൃദത്തിന്റെയും സാംസ്കാരിക പൈതൃക ത്തിന്റെയും പ്രൗഢി വിളിച്ചോ തിയ ചടങ്ങിൽ മിനസോട്ടയിലെ ഒട്ടനവധി പ്രവാസി മലയാളികളാണ് ഒത്തുചേർന്നത്. ആഘോഷങ്ങളുടെ പ്രധാന ആകർഷണം പ്രശസ്ത ഗായകൻ ഫസൽ ഹാരിസ് നയിച്ച ഹൃദ്യമായ സംഗീതനിശയായിരുന്നു.
പ്രഗത്ഭരായ കലാകാരന്മാർ അണിനിരന്ന ലൈവ് ഓർക്കസ്ട്രയുടെ അകമ്പടിയോടെ, ജനപ്രിയമായ പുതിയതും പഴയതുമായ നിരവധി മലയാളം, ഹിന്ദി ചലച്ചിത്ര ഗാനങ്ങൾ കോർത്തിണക്കി ഒരുക്കിയ സംഗീത വിരുന്ന് സദസ്സിന്റെ മനംകവർന്നു.
ഇതിനുപുറമേ, മുഗൾ രാജകീയ പ്രൗഢി പുനഃസൃഷ്ടിച്ചുകൊണ്ട് വേദിയിൽ അവതരിപ്പിക്കപ്പെട്ട ‘മുഗൾ തീം’ ഫാഷൻ ഷോ ദൃശ്യഭംഗി കൊണ്ടും വൈവിധ്യം കൊണ്ടും കാണികളുടെ വൻ പ്രശംസ പിടിച്ചുപറ്റി.
കേരളീയ തനിമ ഒട്ടും ചോർന്നുപോകാത്ത വിഭവസമൃദ്ധമായ ഈദ് വിരുന്നും ആഘോഷങ്ങൾക്ക് മാറ്റ് കൂട്ടി. മലബാ റിന്റെ തനത് രുചിക്കൂട്ടുകൾ ഉൾപ്പെടു ത്തിയുള്ള പരമ്പരാഗത വിഭവങ്ങൾ പ്രവാസി മലയാളികൾക്ക് ജന്മനാടിന്റെ ഓർമ്മകളും ഗൃഹാതുരത്വവും ഉണർത്തുന്നതായിരുന്നു.
Mehfil 2026 വൻ വിജയമാക്കാൻ സഹകരിച്ച മിനസോട്ടയിലെ മലയാളി സമൂഹത്തിന് MMA പ്രസിഡന്റ് ആശാ തോമസ് ഹൃദയംഗമമായ നന്ദി രേഖപ്പെടുത്തി. ആഘോഷങ്ങൾക്ക് പിന്നിൽ പ്രവർത്തിച്ച മുഖ്യ ഗായകർ, ലൈവ് ഓർക്കസ്ട്ര സംഘം, പരിപാടിയുടെ സുഗമമായ നടത്തിപ്പിനായി അഹോരാത്രം പരിശ്രമിച്ച സന്നദ്ധപ്രവർത്തകർ (വോളന്റിയർമാർ) എന്നിവരുടെ അർപ്പണബോധത്തെയും പ്രസിഡന്റ് പ്രത്യേകം അഭിനന്ദിച്ചു.
Minnesota Malayali Association’s Eid celebration ‘Mehfil 2026’ celebrated with grandeur
