തിരുവനന്തപുരം: മന്ത്രിമാര്ക്ക് ആര്ക്കും 13-ാം നമ്പര് കാര് വേണ്ട . ഒന്നും രണ്ടും പിണറായി സര്ക്കാരില് മന്ത്രിമാര് കാറിന് ഉപയോഗിച്ച 13-ാം നമ്പര് പുതിയ സര്ക്കാരിലെ മന്ത്രിമാരില് ആര്ക്കും വേണ്ടെന്ന് റിപ്പോര്ട്ട്. കഴിഞ്ഞ സര്ക്കാരില് കൃഷി മന്ത്രി പി പ്രസാദ് ആണ് 13-ാം നമ്പര് കാര് ഉപയോഗിച്ചത്. ഒന്നാം പിണറായി സര്ക്കാരില് ധനമന്ത്രി തോമസ് ഐസക് ആണ് ഈ നമ്പര് ആവശ്യപ്പെട്ടത്.
ടൂറിസം വകുപ്പ് ആണ് മന്ത്രിമാര്ക്ക് കാര് അനുവദിക്കുന്നത്. കീഴ് വഴക്കം അനുസരിച്ച് കഴിഞ്ഞ സര്ക്കാര് ഉപയോഗിച്ച കാറുകള് ഒരുക്കി നല്കുകയാണ് പതിവ്. ഇത്തവണ മന്ത്രിമാരില് പലരും 13-ാം നമ്പര് വേണ്ടെന്ന് അധികൃതരെ അറിയിച്ചതായാണ് വിവരം. ഇനി ആരെങ്കിലും 13-ാം നമ്പര് കാര് ആവശ്യപ്പെട്ടു വരുമോ എന്ന കാത്തിരിപ്പിലാണ് അധികൃതര്.
ഷിബു ബേബി ജോണ് കാറിന് 71-ാം നമ്പര് ആണ് ആവശ്യപ്പെട്ടത്. ഒ ജനീഷിന് ആവശ്യപ്പെട്ട 10-ാം നമ്പര് അനുവദിച്ചിട്ടുണ്ട്. രമേശ് ചെന്നിത്തല 21-ാം നമ്പര് ആണ് ആവശ്യപ്പെട്ടത്. പിണറായി സര്ക്കാരിന് തൊട്ടുമുന്പുള്ള ഉമ്മന് ചാണ്ടി സര്ക്കാരിലും ആരും തന്നെ 13-ാം നമ്പര് ഉപയോഗിച്ചിട്ടില്ല. വി എസ് സര്ക്കാരില് എം എ ബേബി ആണ് 13-ാം നമ്പര് ചോദിച്ച് വാങ്ങിയത്.
This time, none of the ministers want car number 13.
