തിരുവനന്തപുരം: കാലവർഷം സംസ്ഥാനത്ത് എത്തി. തെക്കുപടിഞ്ഞാറൻ കാലവർഷം () ശക്തമായ ഇടിമിന്നലോടെ കേരള തീരത്തെത്തി യതായി ഇന്ത്യൻ കാലാവസ്ഥാ നിരീക്ഷണ കേന്ദ്രം (IMD) ഔദ്യോഗികമായി പ്രഖ്യാപിച്ചു. ജൂൺ 4 വ്യാഴാഴ്ചയാണ് കാലവർഷം കേരളത്തിൽ പ്രവേശിച്ചതായി കാലാവസ്ഥാ വകുപ്പ് അറിയിച്ചത്. സാധാരണയായി ജൂൺ ഒന്നോടെ എത്താറുള്ള കാലവർഷം ഇത്തവണ നാല് ദിവസത്തെ കാലതാമസത്തിന് ശേഷമാണ് രാജ്യത്ത് ഔദ്യോഗികമായി എത്തിച്ചേർ ന്നിരിക്കുന്നത്.
ഇതിന്റെ ഫലമായി സംസ്ഥാനത്തുടനീളം വരും ദിവസങ്ങളിൽ വ്യാപകമായ മഴ ലഭിക്കുമെന്നും കാലാവസ്ഥ നിരീക്ഷണ കേന്ദ്രം അറിയിച്ചു
മേയ് മാസത്തിന്റെ തുടക്കത്തിൽ പുറപ്പെടുവിച്ച പ്രവചനത്തിൽ മേയ് 26-ഓടെ കാലവർഷം നേരത്തെ എത്തിയേക്കുമെന്നാണ് ഐഎംഡി അറിയിച്ചിരുന്നത്. എന്നാൽ പസഫിക്, ഇന്ത്യൻ മഹാസമുദ്രങ്ങളിലെ അന്തരീക്ഷ വ്യതിയാനങ്ങൾ കാരണം കാലവർഷത്തിന്റെ സഞ്ചാര വേഗത കുറയുകയായിരുന്നു. തുടർന്നാണ് ജൂൺ 4-ഓടെ മഴ കേരളത്തിലെത്തുമെന്ന രീതിയിൽ കാലാവസ്ഥാ വകുപ്പ് തങ്ങളുടെ പ്രവചനം പുതുക്കിയത്. അത് ഇപ്പോൾ കൃത്യമായി സംഭവിച്ചിരിക്കുകയാണ്.
കാലവർഷത്തിന്റെ ആദ്യ ലക്ഷ്യസ്ഥാനമായ കേരളത്തിൽ ഉടനീളം ഇപ്പോൾ ശക്തമായ മഴയാണ് രേഖപ്പെടുത്തുന്നത്. ഔദ്യോഗിക കാലവർഷ പ്രഖ്യാപനത്തിന് മുന്നോടിയായി കഴിഞ്ഞ ഏതാനും ദിവസങ്ങളായി കേരളത്തിലെ അന്തരീക്ഷ വ്യതിയാനങ്ങളും മഴയുടെ അളവും കാലാവസ്ഥാ ശാസ്ത്രജ്ഞർ സൂക്ഷ്മമായി നിരീക്ഷിച്ചു വരികയായിരുന്നു.
പടിഞ്ഞാറൻ കാറ്റിന്റെ വേഗത വർദ്ധിക്കുക, ഉപഗ്രഹ ദൃശ്യങ്ങളിൽ വലിയ രീതിയിലുള്ള മേഘാവൃതി ദൃശ്യമാകുക തുടങ്ങിയ ഔദ്യോഗിക മാനദണ്ഡങ്ങൾ പൂർണ്ണമായതോടെയാണ് കാലവർഷം എത്തിയതായി പ്രഖ്യാപിച്ചത്.
വ്യാഴാഴ്ച രാവിലെ മുതൽ തന്നെ സംസ്ഥാനത്തിന്റെ വിവിധ ഭാഗങ്ങളിൽ ശക്തമായ മഴയാണ് പെയ്യുന്നത്. ഇതിന്റെ പശ്ചാത്തലത്തിൽ ആലപ്പുഴ, കോട്ടയം, എറണാകുളം എന്നീ ജില്ലകളി ൽ കാലാവസ്ഥാ വകുപ്പ് ഓറഞ്ച് അലർട്ട് പ്രഖ്യാപിച്ചു. ഈ പ്രദേശങ്ങളിൽ ശക്തമായ ഇടിമിന്നലിനും മണിക്കൂറിൽ 40 കിലോമീറ്റർ വരെ വേഗതയിൽ വീശിയടിച്ചേ ക്കാവുന്ന കാറ്റിനും സാധ്യതയുണ്ടെന്നും ജനങ്ങൾ ജാഗ്രത പാലിക്കണമെന്നും മുന്നറിയിപ്പിൽ പറയുന്നു.
Monsoon arrives in Kerala; High alert issued in the state
