നോര്ത്ത് കരോലിന: വേള്ഡ് മലയാളി കൗണ്സില് (ഡബ്ല്യുഎംസി) അമേരിക്ക റീജിയന്റെ കീഴില് നോര്ത്ത് കരോലിനയിലെ ട്രയാഡ് പ്രൊവിന്സ് ഔദ്യോഗികമായി നിലവില് വന്നു. കേരള മുന് ഡി.ജി.പി മുഹമ്മദ് യാസിന് (റിട്ട.) മുഖ്യാതിഥിയായ ചടങ്ങില് ഡബ്ല്യുഎംസി ഗ്ലോബല് ചെയര്മാന് തോമസ് മൊട്ടക്കല് സ്ഥാനാരോഹണച്ചടങ്ങിന് നേതൃത്വം നല്കുകയും പുതിയ ഭാരവാഹികള്ക്ക് സ്ഥാനചുമതല നല്കുകയും ചെയ്തു.
ട്രയാഡ് പ്രൊവിന്സിന്റെ ചെയര്മാനായി മനോജ് കുമാര്, പ്രസിഡന്റായി കൃഷ് പാര്ളിക്കാട്, അഡൈ്വസറി ബോര്ഡ് ചെയര്മാനായി സാജു തുറുത്തല്, സെക്രട്ടറിയായി രാജ് നായര്, ട്രഷററായി ഡോ. സന്ധ്യ കുമാര് എന്നിവര് സ്ഥാനമേറ്റു. വൈസ് പ്രസിഡന്റുമാരായി സരുണ് സോമന് (സ്പോര്ട്സ്), സലീം ഇല്ലിക്കല് (മെമ്പര്ഷിപ്പ്), പ്രശാന്ത് നായര് (ഓര്ഗനൈസേഷന്), ജെയിംസ് തുണ്ടത്തില് ജോസഫ് (അഡ്മിനിസ്ട്രേഷന്), ഡോ. ലുഖ്മാന് ടി.കെ. (ആര്ട്സ് ആന്ഡ് കള്ച്ചര്) എന്നിവരും, വൈസ് ചെയറായി ഡോ. ജ്യോതി നായര് (ഓര്ഗ് ഡെവലപ്മെന്റ്), ജോയിന്റ് സെക്രട്ടറിയായി സലീഷ് കെ.കെ., കള്ച്ചറല് കോ-ഓര്ഡിനേറ്ററായി പ്രദീപ് നമ്പ്യാര്, ജോയിന്റ് ട്രസ്റ്റിയായി ദിനേഷ് ദിലീപ് കുമാര് എന്നിവരും ചുമതലയേറ്റു. കൗണ്സില് എക്സിക്യൂട്ടീവ് അംഗങ്ങളായി റെജിമോന് വര്ഗീസ്, ശ്രീജേഷ് നായര്, മിനി സാജു, ലിജി ശ്രീജേഷ് എന്നിവരും സ്ഥാനമേറ്റു.
അമേരിക്ക റീജിയനില് സംഘടനയുടെ പ്രവര്ത്തനങ്ങള് വിപുലീകരിക്കുന്നതിലും പുതിയ പ്രൊവിന്സുകള് രൂപീകരിക്കുന്നതിലും നേതൃത്വം നല്കുന്ന റീജിയന് പ്രസിഡന്റ് ബ്ലെസണ് മണ്ണില്യെ ഡബ്ല്യുഎംസി ഗ്ലോബല് നേതൃത്വം അഭിനന്ദിച്ചു. അദ്ദേഹത്തിന്റെ നേതൃത്വത്തില് അമേരിക്ക റീജിയന് ശ്രദ്ധേയമായ വളര്ച്ച കൈവരിച്ചുവരികയാണെന്നും പുതിയ പ്രൊവിന്സുകളുടെ രൂപീകരണത്തിലൂടെ സംഘടന കൂടുതല് ശക്തിപ്പെടുകയാണെന്നും നേതാക്കള് അഭിപ്രായപ്പെട്ടു.
ട്രയാഡ് പ്രൊവിന്സ് രൂപീകരണത്തിനായി അക്ഷീണം പ്രവര്ത്തിച്ച് നിര്ണായക നേതൃത്വം നല്കിയ ഡബ്ല്യുഎംസി ഗ്ലോബല് ഒ.സി.ഐ. ഫോറം ചെയര്മാന് സാജു തുറുത്തല്യെയും ചടങ്ങില് പ്രത്യേകം അനുമോദിച്ചു. അദ്ദേഹത്തിന്റെ ആത്മാര്ഥമായ പ്രവര്ത്തനവും മികച്ച ഏകോപനവുമാണ് ട്രയാഡ് പ്രൊവിന്സ് യാഥാര്ഥ്യമാകാന് വഴിയൊരുക്കിയതെന്ന് യോഗം വിലയിരുത്തി.
ചടങ്ങില് സംസാരിച്ച അമേരിക്ക റീജിയന് പ്രസിഡന്റ് ബ്ലെസണ് മണ്ണില്, ട്രയാഡ് പ്രൊവിന്സിന്റെ പുതിയ ഭാരവാഹികളെയും അംഗങ്ങളെയും വേള്ഡ് മലയാളി കൗണ്സില് ഗ്ലോബല് കുടുംബത്തിലേക്ക് ഹൃദയപൂര്വം സ്വാഗതം ചെയ്തു. പുതിയ നേതൃത്വം സംഘടനയുടെ ആഗോള ദൗത്യവും സാമൂഹിക-സാംസ്കാരിക സേവന പ്രവര്ത്തനങ്ങളും കൂടുതല് ശക്തിപ്പെടുത്തുമെന്ന് അദ്ദേഹം പറഞ്ഞു.
ഡബ്ല്യുഎംസി ഗ്ലോബല് പ്രസിഡന്റ് ഡോ. ബാബു സ്റ്റീഫന്, ഗ്ലോബല് സെക്രട്ടറി ഷാജി മാത്യു, ഗ്ലോബല് ട്രഷറര് സണ്ണി വലിയത്ത്, ഗ്ലോബല് വൈസ് പ്രസിഡന്റ് (അഡ്മിനിസ്ട്രേഷന്) ജെയിംസ് കൂടല്, അമേരിക്ക റീജിയന് ചെയര്മാന് ഡോ. ഷിബു സാമുവല്, വൈസ് പ്രസിഡന്റ് ഡോ. തങ്കം അരവിന്ദ്, സെക്രട്ടറി മഞ്ജു നീലിവീറ്റില്, ട്രഷറര് മോഹന്കുമാര് എന്നിവര് പുതിയ പ്രൊവിന്സിനും ഭാരവാഹികള്ക്കും ആശംസകള് നേര്ന്നു.
Triad Province established in the World Malayali Council America Region
