അലന് ചെന്നിത്തല
ഹൂസ്റ്റണ്: ഫോമാ (Federation of Malayalee Asosciations of Americas – FOMAA) സാഹിത്യരംഗത്തെ മികച്ച സംഭാവനകള്ക്ക് നല്കുന്ന ‘FOMAA Literary Excellence Award’ സൈജന് കണിയോടിക്കലിന് സമ്മാനിച്ചു. ഫോമായുടെ ഔദ്യോഗിക ത്രൈമാസ സാഹിത്യ പ്രസിദ്ധീകരണമായ ‘അക്ഷരകേരളം’ അതിന്റെ ആരംഭം മുതല് കഴിഞ്ഞ ആറു വര്ഷമായി വിജയകരമായി നയിക്കുകയും പ്രവാസി മലയാള സാഹിത്യത്തിന് ശക്തമായ വേദി ഒരുക്കുകയും ചെയ്തതിനുള്ള അംഗീകാരമായാണ് ഈ പുരസ്കാരം.
2020-ല് ആരംഭിച്ച അക്ഷരകേരളം, വളരെ ചുരുങ്ങിയ കാലംകൊണ്ട് അമേരിക്കയിലെയും കാനഡയിലെയും മലയാളി സമൂഹത്തിനിടയില് ശ്രദ്ധേയമായ സാഹിത്യ പ്രസിദ്ധീകരണമായി വളര്ന്നു. പ്രവാസി എഴുത്തുകാരുടെ സൃഷ്ടികള്ക്ക് പ്രാധാന്യം നല്കുന്നതിനൊപ്പം കേരളത്തിലെ പ്രമുഖ സാഹിത്യകാരുടെയും ചിന്തകരുടെയും രചനകള്ക്കും പ്രസിദ്ധീകരണത്തില് ഇടംനല്കി, ഭൂഖണ്ഡങ്ങള്ക്കപ്പുറമുള്ള മലയാള സാഹിത്യലോകത്തെ ഒരേ വേദിയില് കൂട്ടിയിണക്കുന്നതില് അക്ഷരകേരളം നിര്ണായക പങ്കുവഹിച്ചു.
ആറുവര്ഷമായി മാനേജിങ് എഡിറ്റര് എന്ന നിലയില് സൈജന് കണിയോടിക്കലിനോടൊപ്പം തമ്പി ആന്റണി ചീഫ് എഡിറ്ററായും, പ്രിയ ഉണ്ണികൃഷ്ണന് അസിസ്റ്റന്റ് എഡിറ്ററായും, സണ്ണി കല്ലൂപ്പാറ കണ്ടന്റ് എഡിറ്ററായും, ദേവപ്രകാശ് ചീഫ് ഇല്ലസ്റ്റേറ്ററായും പ്രവര്ത്തിക്കുന്നു. ഈ കഴിഞ്ഞകാലഘട്ടങ്ങളില് സാഹിത്യം, കല, സംസ്കാരം, ചരിത്രം, സാമൂഹിക ചിന്തകള്, പ്രവാസജീവിതം, യുവതലമുറയുടെ സര്ഗാത്മക ഇടപെടലുകള് എന്നിവ ഉള്ക്കൊള്ളുന്ന നിലവാരമുള്ള പതിപ്പുകള് പ്രസിദ്ധീകരിക്കാന് അക്ഷരകേരളത്തിന് സാധിച്ചു. പുതിയ എഴുത്തുകാര്ക്ക് അവസരം നല്കുക, യുവസാഹിത്യ പ്രതിഭകളെ കണ്ടെത്തി പ്രോത്സാഹിപ്പിക്കുക, പ്രവാസി മലയാളികളുടെ അനുഭവങ്ങള് സാഹിത്യരൂപത്തില് രേഖപ്പെടുത്തുക എന്നീ മേഖലകളിലും പ്രസിദ്ധീകരണം ശ്രദ്ധേയമായ പ്രവര്ത്തനങ്ങള് നടത്തി.
ഡിജിറ്റല് യുഗത്തിന്റെ സാധ്യതകള് ഫലപ്രദമായി പ്രയോജനപ്പെടുത്തി ലോകമെമ്പാടുമുള്ള മലയാളി വായനക്കാരിലേക്ക് അക്ഷരകേരളത്തെ എത്തിക്കുന്നതിലും സൈജന് കണിയോടിക്കലിന്റെ നേതൃത്വത്തിന് പ്രത്യേക അംഗീകാരം ലഭിച്ചിട്ടുണ്ട്. സാഹിത്യത്തിന്റെ ഗുണനിലവാരം ഉയര്ത്തിപ്പിടിക്കുന്നതോടൊപ്പം പുതിയ ആശയങ്ങള്ക്കും സൃഷ്ടിപരമായ പരീക്ഷണങ്ങള്ക്കും പ്രാധാന്യം നല്കിയ സമീപനമാണ് അക്ഷരകേരളത്തെ പ്രവാസി മലയാളികളുടെ വിശ്വാസ്യതയുള്ള സാഹിത്യ പ്രസിദ്ധീകരണമായി ഉയര്ത്തിയത്.
ഫോമാ കണ്വെന്ഷനോടനുബന്ധിച്ച് നടന്ന പുരസ്കാരദാന ചടങ്ങില് വിവിധ മേഖലകളിലെ പ്രമുഖരുടെ സാന്നിധ്യത്തിലാണ് FOMAA Literary Excellence Award സമ്മാനിച്ചത്. പുരസ്കാരം ഏറ്റുവാങ്ങിയ സൈജന് കണിയോടിക്കല്, ഈ ബഹുമതി തന്റെ വ്യക്തിപരമായ നേട്ടമായി കാണുന്നില്ലെന്നും, കഴിഞ്ഞ ആറുവര്ഷമായി അക്ഷരകേരളത്തിന്റെ വളര്ച്ചയ്ക്കായി അര്പ്പണബോധത്തോടെ പ്രവര്ത്തിച്ച എഡിറ്റോറിയല് ടീമിന്റെയും, എഴുത്തുകാരുടെയും, കവികളുടെയും, കലാകാരന്മാരുടെയും, വായനക്കാരുടെയും, ഫോമാ നേതൃത്വത്തിന്റെയും കൂട്ടായ പരിശ്രമത്തിനുള്ള അംഗീകാരമായാണ് ഇതിനെ കാണുന്നതെന്നും പറഞ്ഞു.
പ്രവാസി മലയാള സാഹിത്യത്തിനും സാംസ്കാരിക പ്രവര്ത്തനങ്ങള്ക്കും പുതിയ ദിശാബോധം നല്കിയ അക്ഷരകേരളത്തിന്റെ പ്രവര്ത്തനങ്ങള് വരും വര്ഷങ്ങളിലും കൂടുതല് ശക്തമായി മുന്നോട്ടുകൊണ്ടുപോകുമെന്നും അദ്ദേഹം അറിയിച്ചു. അക്ഷരകേരളത്തിന്റെ എല്ലാ എഡിഷനുകളും സൗജന്യമായി ലിറ്റററി ഓണ്ലൈന് പ്ലാറ്റ്ഫോമായ ‘മാഗ്സ്റ്ററില്’ ലോകത്തെവിടെയും ലഭ്യമാണ്.
പ്രവാസി മലയാളികളുടെ സാഹിത്യ-സാംസ്കാരിക മേഖലയില് തുടര്ച്ചയായി ഗുണമേന്മയുള്ള സംഭാവനകള് നല്കിയ വ്യക്തിത്വത്തിനുള്ള അംഗീകാരമായി ഈ വര്ഷത്തെ FOMAA Literary Excellence Award സൈജന് കണിയോടിക്കലിന് സമ്മാനിച്ചത് കണ്വെന്ഷനിലെ ശ്രദ്ധേയമായ അംഗീകാരങ്ങളിലൊന്നായി മാറി.
FOMAA ‘Literary Excellence Award’ for Saijan Kaniyodikal
