ഫെഡറേഷന് ഓഫ് മലയാളി അസോസിയേഷന്സ് ഓഫ് അമേരിക്കാസ് (FOMAA) സൗതേണ് റീജിയണ് റീജിയണല് വൈസ് പ്രസിഡന്റ് സ്ഥാനത്തേക്കു നടന്ന തിരഞ്ഞെടുപ്പില് മിഖായേല് ജോയ് (മിക്കി) മിന്നും വിജയം നേടി.
വാശിയേറിയ മത്സരത്തിനൊടുവില് 65 ശതമാനം വോട്ടുകള് സ്വന്തമാക്കിയാണ് മിഖായേല് ജോയ് ഈ വിജയം കരസ്ഥമാക്കിയത്. സൗതേണ് റീജിയണിലെ അംഗങ്ങളുടെയും പ്രവര്ത്തകരുടെയും ശക്തമായ പിന്തുണയും വിശ്വാസവുമാണ് ഈ വിജയത്തിന് അടിത്തറയായതെന്ന് വിലയിരുത്തപ്പെടുന്നു.
വിജയത്തിന് പിന്നാലെ പ്രതികരിച്ച മിഖായേല് ജോയ്, തനിക്കു വോട്ട് ചെയ്ത എല്ലാ അംഗങ്ങള്ക്കും പിന്തുണ നല്കിയ സുഹൃത്തുക്കള്ക്കും പ്രവര്ത്തകര്ക്കും ഹൃദയം നിറഞ്ഞ നന്ദി അറിയിച്ചു. സൗതേണ് റീജിയണിലെ എല്ലാ അംഗങ്ങളെയും ഒരുമിച്ച് കൂട്ടി, സംഘടനയുടെ വളര്ച്ചയ്ക്കും അംഗങ്ങളുടെ ക്ഷേമത്തിനുമായി സുതാര്യവും സജീവവുമായ പ്രവര്ത്തനങ്ങള് കാഴ്ചവെക്കുമെന്നും അദ്ദേഹം വ്യക്തമാക്കി.
അതേസമയം, തോമസ് ജോര്ജ് (സഞ്ജു), ക്രിസ്റ്റഫര് ജോര്ജ് എന്നിവര് ഫോമാ നാഷണല് കമ്മിറ്റി അംഗങ്ങളായി തിരഞ്ഞെടുക്കപ്പെട്ടു.
പുതുതായി തിരഞ്ഞെടുക്കപ്പെട്ട എല്ലാ ഭാരവാഹികള്ക്കും സംഘടനാ പ്രവര്ത്തകരും വിവിധ അസോസിയേഷനുകളിലെ പ്രതിനിധികളും സാമൂഹിക-സാംസ്കാരിക രംഗത്തെ പ്രമുഖരും ആശംസകള് നേര്ന്നു. പുതിയ നേതൃത്വത്തിന് കീഴില് ഫോമാ സൗതേണ് റീജിയണ് കൂടുതല് ശക്തമായ പ്രവര്ത്തനങ്ങളുമായി മുന്നേറുമെന്നും അംഗങ്ങളുടെ ഐക്യത്തിനും സംഘടനയുടെ പുരോഗതിക്കും ഈ നേതൃത്വം പുതിയ ഊര്ജം പകരുമെന്നും അവര് പ്രത്യാശ പ്രകടിപ്പിച്ചു.
FOMAA Southern Region Vice President Election: Resounding Victory for Mikhael Joy
