തിരുവനന്തപുരം: ഇടവേളയ്ക്ക് ശേഷം സംസ്ഥാനത്ത് കാലവര്ഷം ശക്തമായി. പല ജില്ലകളിലും അതിശക്തമായ മഴയും ഉരുള്പൊട്ടലുമുണ്ടായി.. ഇടുക്കിയിലും പത്തനംതിട്ടയിലും കോട്ടയത്തും ഉരുള് പൊട്ടി. ഇടുക്കി തൊടുപുഴ കുടയത്തൂര് അടൂര്മലയിലെ ഉരുള്പൊട്ടലില് ഒരാള് മരിച്ചു. കുടയത്തൂര് ഏഴാം വാര്ഡില് മഷിക്കല്ലേല് സുമതിയാണ് മരണപ്പെട്ടത്. ്. ഒരുവീട് പൂര്ണമായും മണ്ണിനടിയിലായി. രണ്ടുപേരെ രക്ഷപ്പെടുത്തി.
കൊക്കയാര് ചപ്പാത്ത് വെള്ളത്തില് മുങ്ങി. ഉപ്പുതറയില് പൊലീസ് ജീപ്പിന് മുകളില് മണ്ണിടിഞ്ഞുവീണു. ഏലപ്പാറ ചെമ്മണ്ണ് ഭാഗത്ത് വീടിന് മുകളില് മണ്ണിടിഞ്ഞ് വീണു. ഒരാള് കുടുങ്ങി കിടക്കുന്നു. വാഗമണ് കോലാഹലമേട്ടില് വീടിന് മുകളിലേക്ക് മണ്ണിടിഞ്ഞുവീണ് ഒരാള് കുടുങ്ങിക്കിടക്കുകയാണ്. ഈരാറ്റുപേട്ട വാഗമണ്ണില് റോഡിലേക്ക് മണ്ണിടിഞ്ഞ് ഗതാഗതതടസവും ഉണ്ടായി. കെ.കെ.റോഡില് വെള്ളം കയറി. കോട്ടയത്തിന്റെ കിഴക്കന് മേഖലയിലും ശക്തമായ മഴ. മൂന്നിലവില് ഉരുള് പൊട്ടി.
കെഎസ്ആര്ടിസി പാലാ ഡിപ്പോയിലെ ഡ്രൈവര് രാജേഷിന്റെ വീട് ഒലിച്ച് പോയി. മീനച്ചില്, കാഞ്ഞിരപ്പള്ളി താലൂക്കുകളിലെ വിവിധയിടങ്ങളിലും ചെറിയ ഉരുള്പൊട്ടലുകള് ഉണ്ടായി. ആറു കേന്ദ്രങ്ങളില് ദുരിതാശ്വാസ ക്യാംപുകള് തുറന്നു. പത്തനംതിട്ടയില് റാന്നി പട്ടണത്തില് വെള്ളം കയറി. മാമുക്ക് പാലം വെള്ളത്തിനടിയിലായി. ഇതോടെ ഇതുവഴിയുള്ള ഗതാഗതവും സ്തംഭിച്ചു.
സംസ്ഥാനത്ത് ഇന്ന് തീവ്രമഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് വ്യക്തമാക്കി. ശക്തമായ മഴ കണക്കിലെടുത്ത് വിവിധ ജില്ലകളില് ഓറഞ്ച്, യെല്ലോ അലര്ട്ട് പ്രഖ്യാപിച്ചു. എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളില് യെല്ലോ അലര്ട്ടാണ്.
Heavy rains in the state; Landslides in Idukki and Kottayam: Water inundated Ranni town
