സെയൂത്ത (സ്പെയിന്): മൊറോക്കോയില് നിന്ന് സ്പെയിനിന്റെ സ്വയംഭരണ പ്രദേശമായ സെയൂത്തയിലേക്ക് ആയിരക്കണക്കിന് ആളുകള് കുടിയേറ്റം നടത്തിയതില് നൂറുകണക്കിന് കുട്ടികള് അവിടെ കുടുങ്ങി.യ സ്ഥിതിയില്. 860-ഓളം കുട്ടികള്ക്ക് സുരക്ഷിതമായ അഭയകേന്ദ്രങ്ങള് പോലും ലഭിക്കാത്ത സാഹചര്യമാണ് നിലവിലുള്ളതെന്ന് പ്രാദേശിക അധികൃതര് അറിയിച്ചു. കൂട്ട അതിര്ത്തി കടക്കലിനിടെ 72 പേര് മരിച്ചതായി സ്പാനിഷ് അധികൃതര് സ്ഥിരീകരിച്ചു. മൊറോക്കോയും 11 മരണങ്ങള് റിപ്പോര്ട്ട് ചെയ്തിട്ടുണ്ട്.
കുടിയേറ്റത്തിനിടെ എട്ടുവയസുകാരനായ സഹോദരന് മെഡിറ്ററേനിയന് കടലില് മുങ്ങിമരിച്ചിരുന്നു. സഹോദരിയായി 17 കാരി അമ്മയില് നിന്നും കൂട്ടം തെറ്റി. മികച്ച ജീവിതസാഹചര്യങ്ങള് തേടിയാണ് കുടുംബത്തോടൊപ്പം സെയൂത്തയിലേക്ക് നീന്തിക്കടക്കാന് ശ്രമിച്ചതെന്ന് പെണ്കുട്ടി പറഞ്ഞു. സ്പാനിഷ് പൊലീസ് സഹോദരന്റെ മൃതദേഹം കടലില് നിന്ന് പുറത്തെടുക്കുന്നത് നേരില് കണ്ടതായും പിന്നീട് നാല് ദിവസമായി തനിച്ചാണ് കഴിയുന്നതെന്നും അവള് വ്യക്തമാക്കി. പ്രദേശവാസികള് ഭക്ഷണവും വസ്ത്രവും നല്കിയെങ്കിലും സര്ക്കാര് നടത്തുന്ന കുട്ടികളുടെ സംരക്ഷണ കേന്ദ്രത്തില് സ്ഥലമില്ലായിരുന്നുവെന്നും അവള് പറഞ്ഞു.
സെയൂത്തയിലേക്ക് കടന്നുവന്ന 60,000-ത്തിലധികം പേരില് ഭൂരിഭാഗം പേരെയും തിരിച്ചയച്ചെങ്കിലും 5,000 ത്തോളം പേര് പേര് ഇപ്പോഴും അവിടെ തുടരുകയാണ്. ഇവരില് വലിയൊരു വിഭാഗം പ്രായപൂര്ത്തിയാകാത്ത കുട്ടികളാണ്. സ്പാനിഷ് നിയമപ്രകാരം മാതാപിതാക്കളില്ലാതെ എത്തുന്ന കുട്ടികള്ക്ക് സംരക്ഷണവും പരിചരണവും നല്കേണ്ട ബാധ്യത സര്ക്കാരിനുണ്ട്. ഇതിനിടെ ഒരു മൊറോക്കന് ബാലനെ തിരിച്ചയക്കാനുള്ള ശ്രമം പ്രദേശവാസികളുടെയും മാധ്യമങ്ങളുടെയും ഇടപെടലിനെ തുടര്ന്ന് സ്പാനിഷ് സൈന്യം അവസാന നിമിഷം നിര്ത്തിവച്ച സംഭവവും റിപ്പോര്ട്ട് ചെയ്യപ്പെട്ടു.
സെയൂത്തയിലെ 600 പേരെ മാത്രം ഉള്ക്കൊള്ളാന് ശേഷിയുള്ള കുടിയേറ്റ കേന്ദ്രം പൂര്ണമായും നിറഞ്ഞിരിക്കുകയാണ്. സുഡാനില് നിന്നുള്ള അഭയാര്ഥികള്, ഗാസയില് നിന്നുള്ള പലസ്തീനികള്, അഫ്ഗാനിസ്ഥാനില് നിന്നുള്ളവര് ഉള്പ്പെടെ വിവിധ രാജ്യങ്ങളില് നിന്നുള്ള കുടിയേറ്റക്കാരും ഇവിടെ തുടരുന്നുണ്ട്. ഭക്ഷണവും അടിസ്ഥാന സൗകര്യങ്ങളും കടുത്ത ക്ഷാമത്തിലാണെന്ന് പ്രദേശത്തെ സന്നദ്ധ പ്രവര്ത്തകര് പറയുന്നു. വിശപ്പും ദാഹവും ക്ഷീണവും മൂലം ആളുകള് സ്വമേധയാ മൊറോക്കോയിലേക്ക് മടങ്ങുമെന്ന പ്രതീക്ഷയിലാണ് അധികൃതരുടെ സമീപനമെന്ന് കുടിയേറ്റാവകാശ പ്രവര്ത്തകര് ആരോപിച്ചു. പലരും ഇപ്പോഴും കടല്ത്തീ രങ്ങളിലും കുന്നിന്പ്രദേശങ്ങളിലും അഭയം തേടി യൂറോപ്പിലേക്കുള്ള യാത്ര തുടരാനാകുമെന്ന പ്രതീക്ഷയില് കഴിയുകയാണ്.
Migration to Spain: Hundreds of children stranded in Ceuta.
