ന്യൂഡല്ഹി: സിജെപി പ്രതിഷേധത്തിനിടയിലെ പെല്ലറ്റ് ആക്രമണത്തില് പരിക്കേറ്റ വിദ്യാര്ഥിയുടെ പരാതിയില് ഡല്ഹി പൊലീസ് ഇന്ന് മൊഴിയെടുക്കും. ലോക്സഭാ പ്രതിപക്ഷ നേതാവ് രാഹുല് ഗാന്ധി നടത്തിയ ആറ് മണിക്കൂര് നീണ്ട കുത്തിയിരിപ്പ് സമരത്തിനൊടുവിലാണ് പൊലീസ് എഫ്ഐആര് രജിസ്റ്റര് ചെയ്തത്. തിരിച്ചറിയാത്ത ആളുകള്ക്കെതിരെയാണ് എഫ്ഐആര് രജിസ്റ്റര് ചെയ്തിരിക്കുന്നത്.
പരിക്കേറ്റ സാഹില്, റാം മനോഹര് ലോഹ്യ ആശുപത്രിയില് ചികിത്സയിലായിരുന്നു. പരാതി കൊടുക്കാന് ശ്രമിച്ചെങ്കിലും പൊലീസ് എഫ്ഐആര് രജിസ്റ്റര് ചെയ്തിരുന്നില്ല.
ഇതേതുടര്ന്നാണ് ഡല്ഹി പാര്ലമെന്റ് സ്ട്രീറ്റ് പൊലീസ് സ്റ്റേഷനു മുന്നില് രാഹുലിന്റെ പ്രതിഷേധം. മുന് വിദ്യാഭ്യാസ മന്ത്രി ധര്മ്മേന്ദ്ര പ്രധാന്റെ രാജി ആവശ്യപ്പെട്ട് കോക്രോച്ച് ജനതാ പാര്ട്ടി (സിജെപി) നയിച്ച മാര്ച്ചില് വച്ചായിരുന്നു സഹില് ലോച്ചബ് എന്ന വിദ്യാര്ഥിക്കു പെല്ലറ്റ് ആക്രമണത്തില് പരിക്കേറ്റത്.
Rahul Gandhi’s protest yields results; statement to be recorded from student injured in pellet attack
