ടെന്നസി: അമേരിക്കയിലെ ടെന്നസിയില് മില്ലിഗണ് സര്വകലാശാലയിലെ സൈക്ലിംഗ് ടീമിന്റെ പരിശീലനത്തിനിടയിലേക്ക് വാഹനം ഇടിച്ചു കയറി രണ്ടു വിദ്യാര്ഥികള് മരിച്ചു. ഏഴ് വിദ്യാര്ഥികള്ക്ക് പരിക്കേറ്റു. പരിക്കേറ്റവരില് നാല് പേരുടെ നില ഗുരുതരമാണെന്ന് അധികൃതര് അറിയിച്ചു. ബുധനാഴ്ച രാവിലെ സംസ്ഥാനത്തിന്റെ വടക്കുകിഴക്കന് മേഖലയിലെ കാര്ട്ടര് കൗണ്ടിയിലുള്ള ഹൈവേയിലാണ് അപകടമുണ്ടായത്.
പരിശീലന സവാരിയില് 11 വിദ്യാര്ഥികളുണ്ടായിരുന്നുവെന്ന് സര്വകലാശാല പ്രസിഡന്റ് സ്റ്റീഫന് വെയേഴ്സ് പറഞ്ഞു. വിദ്യാര്ഥികളായ ഹെയ്ലന് എങ്ഡാല്, ബ്രെയ്ഡന് റോജേഴ്സ് എന്നിവരാണ് മരണപ്പെട്ടത്.
പരിക്കേറ്റ ഏഴ് വിദ്യാര്ഥികളെയും ജോണ്സണ് സിറ്റി മെഡിക്കല് സെന്ററില് പ്രവേശിപ്പിച്ചു. ഇവരില് നാല് പേരുടെ നില ഗുരുതരമാണെന്ന് ആശുപത്രി അധികൃതര് അറിയിച്ചു. സംഭവത്തില് അതീവ ദുഃഖിതരാണെന്ന് മില്ലിഗന് സര്വകലാശാല പ്രസ്താവനയില് വ്യക്തമാക്കി. ദുരന്തത്തില് ബാധിക്കപ്പെട്ട എല്ലാവര്ക്കും പ്രാര്ഥനകളും പിന്തുണയും അറിയിക്കുന്നതായും സര്വകലാശാല അറിയിച്ചു.
നോര്ത്ത് കരോലിനയിലെ ന്യൂലാന്ഡ് സ്വദേശിയായ 69കാരന് ജോണ് ബെന്ഫീല്ഡാണ് വാഹനം ഓടിച്ചിരുന്നതെന്ന് അധികൃതര് പറഞ്ഞു. അശ്രദ്ധ മൂലമുള്ള ഡ്രൈവിംഗിലൂടെ അപകടമുണ്ടാക്കിയതിന് രണ്ടു കേസുകള് ഇയാള്ക്കെതിരെ ചുമത്തി. ഇയാള് കസ്റ്റഡിയിലാണെന്നും കൂടുതല് കുറ്റങ്ങള് ചുമത്താന് സാധ്യതയുണ്ടെന്നും കാര്ട്ടര് കൗണ്ടി ജില്ലാ അറ്റോര്ണി ജനറല് സ്റ്റീവന് ഫിന്നി അറിയിച്ചു.
അപകടത്തിന്റെ കൃത്യമായ കാരണം കണ്ടെത്താന് അന്വേഷണം തുടരുകയാണ്. സൈക്ലിംഗ് ടീം മികച്ച നിലവാരമുള്ള പരിശീലനം നേടിയവരാണെന്നും കൂട്ടമായാണ് സവാരി നടത്തിയിരുന്നതെന്നും അധികൃതര് പറഞ്ഞു. അപകടത്തെ തുടര്ന്ന് വിദ്യാര്ഥികള്ക്കും ജീവനക്കാര്ക്കും ആവശ്യമായ കൗണ്സലിങ്, ആത്മീയ പിന്തുണ എന്നിവ സര്വകലാശാല ഒരുക്കിയിട്ടുണ്ട്. സംഭവത്തില് നിന്ന് കരകയറാന് സമൂഹം ഒറ്റക്കെട്ടായി നില്ക്കണമെന്ന് സര്വകലാശാല പ്രസിഡന്റ് സ്റ്റീഫന് വെയേഴ്സ് പറഞ്ഞു.
Vehicle hits university cycling team in Tennessee; two students killed.
