ഇല്ലിനോയിസ്: രണ്ടു വയസുകാരന് മകനെ കൊലപ്പെടുത്തിയ കേസില് അറസ്റ്റിലായ അമ്മയ്ക്കെതിരേ മൂന്നു ഫസ്റ്റ് ഡിഗ്രി കൊലപാതക കുറ്റങ്ങള് ചുമത്തി. കേസില് അറസ്റ്റിലായ ഇല്ലിനോയിസ് സ്വദേശിനി കോറി വാള്ഷിനെതിരേയാണ് കുറ്റങ്ങള് ചുമത്തിയിട്ടുള്ളത്.മകന് മരിച്ച നിലയില് കണ്ടെത്തുന്നതിന് മണിക്കൂറുകള് മുമ്പുവരെ വാള്ഷ് സുഹൃത്തുക്കളുമായി പല കാര്യങ്ങളും ചര്ച്ച ചെയ്തിരുന്നതായും കണ്ടെത്തി. 40കാരിയായ കോറി വാള്ഷിനെതിരേ രണ്ട് വയസുകാരനായ മകന് ബാരറ്റിന്റെ മരണവുമായി ബന്ധപ്പെട്ട് മൂന്ന് ഫസ്റ്റ് ഡിഗ്രി കൊലപാതകക്കുറ്റങ്ങളാണ് ചുമത്തിയിരിക്കുന്നത്.
സെപ്റ്റംബര് ഒന്നിന് ചിക്കാഗോ നഗരപ്രാന്തത്തിലെ കുടുംബവീട്ടിലെ ബേസ്മെന്റിലാണ് ബാരറ്റിനെ മരിച്ച നിലയില് കണ്ടെത്തിയത്. സംഭവദിവസം ഉച്ചയ്ക്ക് ഏകദേശം 12.30 വരെ വാള്ഷ് വിചാരണയെക്കുറിച്ച് സുഹൃത്തുക്കളുമായി സംസാരിച്ചിരുന്നുവെന്നും നാല് മണിക്കൂറിനുള്ളിലാണ് കുട്ടിയെ ഗുരുതരമായ പരിക്കുകളോടെ അയല്വാസി കണ്ടെത്തിയതെന്നും പ്രോസിക്യൂട്ടര്മാര് കോടതിയില് സമര്പ്പിച്ച രേഖകളില് പറയുന്നു.
കുട്ടിയെ കണ്ടെത്തിയ അയല്വാസി ഉടന് സിപിആര് നല്കുകയും 911ല് വിവരം അറിയിക്കുകയും ചെയ്തു. ആശുപത്രിയിലെത്തിച്ചെങ്കിലും കുട്ടിയുടെ മരണം സ്ഥിരീകരിച്ചു. കഴുത്തില് കയര് പോലുള്ള വസ്തു ഉപയോഗിച്ച് ഞെരുക്കിയതിനെ തുടര്ന്നുണ്ടായ ശ്വാസംമുട്ടലാണ് മരണകാരണമെന്ന് പോസ്റ്റ്മോര്ട്ടത്തില് കണ്ടെത്തി.
അന്വേഷണ ഉദ്യോഗസ്ഥരോട് വാള്ഷ് പിന്നീട് മകനെ കൊലപ്പെടുത്തിയത് അവന് ‘പിശാചും’ ‘ആന്റിക്രൈസ്റ്റും’ ആണെന്ന് വിശ്വസിച്ചതിനാലാണെന്ന് പറഞ്ഞതായി പ്രോസിക്യൂട്ടര്മാര് ആരോപിച്ചു. എന്നാല് വാള്ഷ് മാനസിക വിഭ്രാന്തിയുടെ അവസ്ഥയിലായിരുന്നുവെന്നാണ് അഭിഭാഷക ആന്ഡ്രിയ ലിയോണ് പറയുന്നത്.
Three first-degree murder charges have been filed against a mother in the case of the killing of a two-year-old boy in Illinois.
