ഹൂസ്റ്റണ്‍ : ഇന്ത്യന്‍ ക്രിസ്ത്യന്‍ എക്യൂമെനിക്കല്‍ കമ്മ്യൂണിറ്റി ഓഫ് ഹൂസ്റ്റണിന്റെ (ഐസിഇസിഎച്ച്) ക്രിസ്തുമസ് ആഘോഷം 2021 ഡിസംബര്‍ 25 ശനിയാഴ്ച വൈകിട്ട് 5 മണിക്ക് ഹ്യൂസ്റ്റണ്‍ സെന്റ് തോമസ് ഇന്ത്യന്‍ ഓര്‍ത്തഡോക്‌സ് കത്തീഡ്രല്‍ ഓഡിറ്റോറിയത്തില്‍ വച്ചു നടത്തപ്പെടും. ഹൂസ്റ്റണിലെ 19 എപ്പിസ്‌കോപ്പല്‍ ദേവാലയങ്ങളുടെ കൂട്ടായ്മയായ ഐ സി ഇ സി എച്ചിന്റെ 40-മത് (റൂബി ഇയര്‍) ക്രിസ്മസ് ആഘോഷമാണ് ഈ വര്ഷം നടത്തപ്പെടുന്നത്.
ഐ സി ഇ സി എച്ചിന്റെ പ്രസിഡന്റ് റവ. ഫാ ഐസക് ബി പ്രകാശ് അധ്യക്ഷത വഹിക്കുന്ന യോഗത്തില്‍ ഹ്യൂസ്റ്റണ്‍ സെന്റ് ജോസഫ് സീറോ മലബാര്‍ കത്തോലിക്ക ഫൊറാന ദേവാലയത്തിലെ വികാരി റവ. ഫാ ജോണിക്കുട്ടി ജോര്‍ജ് പുളീശ്ശേരി ക്രിസ്മസ് ദൂത് നല്‍കുന്നതായിരിക്കും . ഈ വര്ഷം ലഭിക്കുന്ന സ്‌തോത്രകാഴ്ച ഹ്യൂസ്റ്റണ്‍ സെന്റ് മേരീസ് മലങ്കര സിറിയക് ഓര്‍ത്തഡോക്ള്‍സ് ദേവാലയത്തിന്റെ ആഭിമുഖ്യത്തിലുള്ള ചാരിറ്റി പ്രോജക്ടിന് നല്‍കുമെന്ന് ഭാരവാഹികള്‍ അറിയിച്ചു .
കഴിഞ്ഞ വര്ഷം ഹ്യൂസ്റ്റനില്‍ നിന്നും സ്ഥലം മാറി പോയ വൈദികരുടെ സേവനങ്ങളെ ഓര്‍ക്കുന്നതും പുതുതായി ഹ്യൂസ്റ്റനില്‍ എത്തിയിട്ടുള്ള വൈദികര്‍ക്ക് യോഗത്തില്‍ സ്വീകരണം നല്കുന്നതിനോടൊപ്പം 2022-ലേക്ക് തെരഞ്ഞെടുക്കപ്പെട്ട ഐ സി.ഇ.സി എച്ചിന്റെ എല്ലാ ഭാരവാഹികളെയും നിലവിലുള്ള പ്രസിഡണ്ട് വേദിയില്‍ പരിചയപ്പെടുത്തുന്നതുമായിരിക്കും ക്രിസ്മസ് സെലിബ്രേഷന്റെ ഭാഗമായി വിവിധ ദേവാലയങ്ങളുടെ നേതൃത്വത്തില്‍ അവതരിപ്പിക്കുന്ന ക്രിസ്മസ് കലാപരിപാടികള്‍ ഉണ്ടായിരിക്കുന്നതാണ്.
സബാന്‍ സാമിന്റെ നേതൃത്വത്തിലുള്ള എക്യൂമെനിക്കല്‍ ക്വയര്‍ ക്രിസ്മസ് ഗാനങ്ങള്‍ ആലപിക്കുന്നത്തിനുള്ള പ്രാക്ടീസ് നടത്തിവരുന്നതായി ക്വയര്‍ കോഓര്‍ഡിനേറ്റര്‍ ഡോ . അന്നാ ഫിലിപ്പ് അറിയിച്ചു. ഐ സി ഇ സി എച്ചിന്റെ വൈസ് പ്രസിഡണ്ട് റവ ഫാ ജോണ്‍സന്‍ പുഞ്ചക്കോണം പ്രോഗ്രാമില്‍ എം സി ആയിരിക്കും.
കോവിഡ് കാലത്തേ വെര്‍ച്യുല്‍ / സൂം യോഗങ്ങള്‍ക്കു ശേഷം ലൈവ് ആയി നടക്കുന്ന എക്യൂമെനിക്കല്‍ ക്രിസ്മസ് സെലിബ്രേഷനില്‍ പങ്കെടുക്കുവാന്‍ വിശ്വാസികള്‍ ആവേശ പൂര്‍വം തയ്യാറായി കഴിഞ്ഞതായി ഐസിഇ സി എച് സെക്രട്ടറി എബി കെ മാത്യു അറിയിച്ചു .
പ്രോഗ്രാമിന്റെ വിജയത്തിനായി ഐ സി ഇ സി എച് പ്രസിഡണ്ട്, സെക്രട്ടറി എന്നിവരോടൊപ്പം ഫാ. എബ്രഹാം സക്കറിയ ( ജെക്കു അച്ചന്‍), പ്രോഗ്രാം കോര്‍ഡിനേറ്റര്‍ ഷാജി പുളിമൂട്ടില്‍, ട്രഷറര്‍ രാജന്‍ അങ്ങാടിയില്‍, ജോണ്‍സന്‍ കല്ലുംമൂട്ടില്‍, നൈനാന്‍ വീട്ടിനാല്‍ എന്നിവര്‍ പ്രവര്‍ത്തിച്ചു വരുന്നു.
പി ആര്‍ ഓ ജോജോ തുണ്ടിയില്‍ അറിയിച്ചതാണിത്.
റിപ്പോര്‍ട്ട് : ജീമോന്‍ റാന്നി
