വെസ്റ്റ് പാം ബീച്ച്; യുഎസ് മുൻ പ്രസിഡന്റ് ജിമ്മി കാർട്ടറുടെ മരണത്തെത്തുടർന്നുള്ള 30 ദിവസത്തെ ദുഃഖാചരണം തീരും മുൻപേ പുതിയ പ്രസിഡന്റ് ഡോണൾഡ് ട്രംപിന്റെ സ്വകാര്യ മറലാഗോ ക്ലബ്ബിൽ യുഎസ് പതാക ഉയർത്തിയത് വിവാദമായി. കഴിഞ്ഞ മാസം 29ന് കാർട്ടറുടെ മരണത്തെത്തുടർന്ന് താഴ്ത്തിക്കെട്ടിയിരുന്ന പതാക വ്യാഴാഴ്ച കാർട്ടറുടെ സംസ്കാരം കഴിഞ്ഞതിനു പിന്നാലെയാണ് ഉയർത്തിക്കെട്ടിയത്.
മുൻ അമേരിക്കൻ പ്രസിഡൻ്റിൻ്റെ മരണശേഷം 30 ദിവസത്തേക്ക് പതാകകൾ പകുതി താഴ്ത്തിക്കെട്ടുന്ന പാരമ്പര്യത്തോടുള്ള തൻ്റെ അലോസരം ഡൊണാൾഡ് ട്രംപ് പങ്കുവെച്ചിരുന്നു, എന്നാൽ ഡിസംബർ 29 ന് കാർട്ടർ മരിച്ചതിന് ശേഷം ട്രംപും ഈ പാരമ്പര്യം തുടർന്നു. എന്നാൽ കാർട്ടറുടെ സംസ്കാരം കഴിഞ്ഞതിനു പിന്നാലെ പതാക വീണ്ടും ഉയർത്തുകയാണുണ്ടായത്.
