Sunday, July 14, 2024

HomeAmericaഫാ. സ്റ്റാന്‍ സ്വാമിയുടെ മരണത്തില്‍ ഇന്ത്യ സ്വതന്ത്ര അന്വേഷണം നടത്തണം: യു.എസ് പാര്‍ലമെന്റില്‍ പ്രമേയം

ഫാ. സ്റ്റാന്‍ സ്വാമിയുടെ മരണത്തില്‍ ഇന്ത്യ സ്വതന്ത്ര അന്വേഷണം നടത്തണം: യു.എസ് പാര്‍ലമെന്റില്‍ പ്രമേയം

spot_img
spot_img

വാഷിംഗ്ടണ്‍: മനുഷ്യാവകാശ പ്രവര്‍ത്തകനായിരുന്ന ഫാദര്‍ സ്റ്റാന്‍ സ്വാമി കസ്റ്റഡിയിലിരിക്കെ മരിച്ച സംഭവത്തില്‍ ഇന്ത്യ സ്വതന്ത്ര അന്വേഷണം നടത്തണമെന്ന് ആവശ്യപ്പെട്ട് യു.എസ് പാര്‍ലമെന്റില്‍ പ്രമേയം. ജനപ്രതിനിധി സഭയില്‍യുവാന്‍ വര്‍ഗാസ്, ജിം മക്ഗവേണ്‍, ആന്ദ്രേ കാഴ്സന്‍ എന്നിവര്‍ ചേര്‍ന്നാണ് പ്രമേയം അവതരിപ്പിച്ചത്. ഇന്ത്യയില്‍ ഭീകരവിരുദ്ധ നിയമം ഉപയോഗിച്ച് മനുഷ്യാവകാശ പ്രവര്‍ത്തകരെയും രാഷ്ട്രീയ എതിരാളികളെയും ഇല്ലായ്മ ചെയ്യാന്‍ ശ്രമിക്കുന്നുവെന്ന ആശങ്കയോടെയാണ് പ്രമേയം അവതരിപ്പിച്ചത്. 2021 ജൂലൈ അഞ്ചിനാണ് സ്റ്റാന്‍ സാമി അന്തരിച്ചത്. രാജ്യദ്രോഹ നിയമം പൂര്‍ണമായും ഇല്ലാതാക്കാന്‍ ഇന്ത്യന്‍ പാര്‍ലമെന്റ് തയാറാകണമെന്ന് പ്രമേയത്തില്‍ ആവശ്യപ്പെട്ടു.

കൊളോണിയല്‍ കാലഘട്ടത്തില്‍ നിലവില്‍വന്ന രാജ്യദ്രോഹ നിയമം റദ്ദാക്കിയ സുപ്രീംകോടതി നടപടിയെ യു.എസ് പാര്‍ലമെന്റ് അംഗങ്ങള്‍ പ്രകീര്‍ത്തിച്ചു. 1948ല്‍ ഐക്യരാഷ്ട്രസഭ സ്വീകരിച്ച സാര്‍വത്രിക മനുഷ്യാവകാശ പ്രഖ്യാപനത്തിലെ 19-ാം വകുപ്പു പ്രകാരം, അഭിപ്രായ സ്വാതന്ത്ര്യം എന്നത് മൗലികാവകാശമാണെന്ന് പ്രമേയം ചൂണ്ടിക്കാട്ടി. സ്റ്റാന്‍ സാമി ശബ്ദമില്ലാത്തവരുടെ ശബ്ദമായിരുന്നു. ആദിവാസികള്‍ ഉള്‍പ്പെടെ അരികുവത്കരിക്കപ്പെട്ടവര്‍ക്കായി അദ്ദേഹം പ്രവര്‍ത്തിച്ചുവെന്നും പ്രമേയത്തില്‍ പറയുന്നു.

spot_img
RELATED ARTICLES
- Advertisment -spot_img

Most Popular

Recent Comments