മേടം (അശ്വതി, ഭരണി, കാര്‍ത്തിക ¼)
ശത്രുക്കളുടെ ഗൂഢതന്ത്രങ്ങളെ പരാജയപ്പെടുത്തും. രാഷ്ട്രീയ പ്രവര്‍ത്തകര്‍ അപവാദാരോപണങ്ങള്‍ക്ക് വിധേയരാകും. ഗൃഹത്തിലെ അറ്റകുറ്റപ്പണികള്‍ക്കായി പണം ചെലവഴിക്കും. ലാഭകരമായി നടന്നുകൊണ്ടിരുന്ന സംരംഭങ്ങള്‍ക്ക് താത്ക്കാലികമായി മന്ദത അനുഭവപ്പെടും.
ഇടവം (കാര്‍ത്തിക ¾, രോഹിണി, മകയിരം ½)
ദാമ്പത്യസുഖവും മനഃസന്തോഷവും അനുഭവപ്പെടും. വിശേഷവസ്ത്രാഭരണാദികള്‍ സമ്മാനമായി ലഭിക്കും. കലാരംഗത്ത് പ്രവര്‍ത്തിക്കുന്നവര്‍ക്ക് പ്രശസ്തിയും അംഗീകാരവും ലഭിക്കും. തൊഴില്‍ പരമായി വളരെ അധികം ശ്രദ്ധിക്കുക. സാമ്പത്തിക ഇടപാടുകള്‍ നടത്തുമ്പോള്‍ സൂക്ഷിക്കുക. കാര്‍ഷികരംഗത്ത് ധനനഷ്ടത്തിന് സാദ്ധ്യത.
മിഥുനം (മകയിരം ½, തിരുവാതിര, പുണര്‍തം ¾)
ദാമ്പത്യകലഹം ഉണ്ടാകാതെ ശ്രദ്ധിക്കുക. ആരോഗ്യപരമായി ദോഷകാലമാണ്. പല വിഷമഘട്ടങ്ങളില്‍ നിന്നും മോചനം ലഭിക്കും. സര്‍ക്കാര്‍ ഉദ്യോഗസ്ഥര്‍ക്ക് പ്രമോഷനുള്ള ഉത്തരവ് ലഭിക്കും. കുടുംബത്തില്‍ സമാധാനവും ഐശ്വര്യവും ഉണ്ടാകും.
കര്‍ക്കടകം (പുണര്‍തം ¼, പൂയം, ആയില്യം)
രാഷ്ട്രീയരംഗത്ത് പ്രവര്‍ത്തിക്കുന്നവര്‍ക്ക് സ്ഥാനമാനങ്ങള്‍ ലഭിക്കും. കരാര്‍ രംഗത്തുള്ളവര്‍ക്ക് ജോലി സ്ഥിരപ്പെടാന്‍ സാദ്ധ്യത. ദാമ്പത്യജീവിതം സന്തോഷപ്രദമായിരിക്കും. നറുക്കെടുപ്പ് മത്സരങ്ങളില്‍ വിജയിക്കും.
ചിങ്ങം (മകം, പൂരം, ഉത്രം ¼)
കര്‍മ്മരംഗത്തെ ബുദ്ധിമുട്ടുകള്‍ക്ക് പരിഹാരം ലഭിക്കും. അപകീര്‍ത്തിക്ക് സാദ്ധ്യതയുള്ളതിനാല്‍ വളരെയധികം ശ്രദ്ധിക്കുക. അദ്ധ്വാനഭാരം വര്‍ദ്ധിക്കും. കര്‍മ്മരംഗത്ത് പുതിയ ഉത്തരവാദിത്വങ്ങള്‍ ഏറ്റെടുക്കേണ്ടി വരും.
കന്നി (ഉത്രം ¾, അത്തം, ചിത്തിര ½)
അധിക ചെലവുകള്‍ മുഖേന കടം വാങ്ങേണ്ട സ്ഥിതി ഉണ്ടാകും. മാതാവിന് ശാരീരിക അസുഖം അനുഭവപ്പെടും. ഗൃഹത്തില്‍ ബന്ധു സമാഗമം പ്രതീക്ഷിക്കാം. പുതിയ സംരംഭം തുടങ്ങാന്‍ അനുകൂലമായ സമയമല്ല. വിവാഹത്തിന് കാലതാമസം.
തുലാം (ചിത്തിര ½, ചോതി, വിശാഖം ¾)
വിദേശത്ത് തൊഴില്‍ ചെയ്യുന്നവര്‍ക്ക് ശമ്പള കുടിശിക ലഭിക്കാന്‍ തടസം നേരിടും. ആരോഗ്യകാര്യത്തില്‍ കൂടുതല്‍ ശ്രദ്ധിക്കണം. ഏറേക്കാലമായി അകന്നു കഴിയുന്ന ബന്ധുമിത്രാദികളെ കണ്ടുമുട്ടാന്‍ അവസരം ലഭിക്കും. സന്താനങ്ങള്‍ക്ക് അംഗീകാരവും പ്രശസ്തിയും ലഭിക്കും.
വൃശ്ചികം (വിശാഖം ¼, അനിഴം, തൃക്കേട്ട)
ബിസിനസ്സില്‍ നിന്ന് പ്രതീക്ഷിക്കുന്നത്ര ലാഭം ലഭിക്കില്ല. കുടുംബത്തില്‍ മനഃസമാധാനം നഷ്ടപ്പെടാനിടയുണ്ട്. വിലപ്പെട്ട ഗൃഹോപകരണങ്ങള്‍ വാങ്ങും. രാഷ്ട്രീയ രംഗത്തു പ്രവര്‍ത്തിക്കുന്നവര്‍ക്ക് സ്ഥാനലബ്ധി.
ധനു (മൂലം, പൂരാടം, ഉത്രാടം ¼)
ബിസിനസ്സുകാര്‍ തൊഴില്‍പരമായി മത്സരം നേരിടും. ഉല്ലാസയാത്രകളില്‍ പങ്കെടുക്കും. ഈശ്വാരാധീനം ഉള്ളതിനാല്‍ ആപത്തുകളില്‍ നിന്ന് രക്ഷപ്പെടും. സാമൂഹിക സാഹിത്യരംഗത്തുള്ളവര്‍ക്ക് അംഗീകാരവും പ്രശസ്തിയും ലഭിക്കും. ദമ്പതികള്‍ തമ്മില്‍ ഐക്യതയോടെ കഴിയും. സഹോദരങ്ങളുമായി തീരുമാനിച്ച് പുതിയ പദ്ധതികള്‍ ആവിഷ്‌ക്കരിക്കും.
മകരം (ഉത്രാടം ¾, തിരുവോണം, അവിട്ടം ½)
പലവിധത്തില്‍ സാമ്പത്തികനേട്ടം പ്രതീക്ഷിക്കാം. സന്താനങ്ങള്‍ മുഖേന സന്തോഷം വര്‍ദ്ധിക്കും. ആര്‍ഭാട വസ്തുക്കള്‍ക്കായി പണം ചെലവിക്കും. സഹോദരസ്ഥാനീയര്‍ ആരോഗ്യകാര്യത്തില്‍ കൂടുതല്‍ ശ്രദ്ധിക്കണം. കുടുംബപരമായി കൂടുതല്‍ ഉത്തരവാദിത്തങ്ങള്‍ ഏറ്റെടുക്കേണ്ടതായി വരും. വിദേശത്തുനിന്നും നാട്ടില്‍ വരാന്‍ ആഗ്രഹിക്കുന്നവര്‍ക്ക് അതിനുള്ള അവസരം ലഭിക്കും.
കുംഭം (അവിട്ടം ½, ചതയം, പൂരുരുട്ടാതി ¾)
സാമ്പത്തിക പ്രതിസന്ധി തരണം ചെയ്യാന്‍ സാധിക്കും. ദമ്പതികള്‍ തമ്മില്‍ സൗന്ദര്യപ്പിണക്കം ഉണ്ടാകും. സന്താനങ്ങള്‍ മുഖേന മനഃക്ലേശം അനുഭവപ്പെടും. പിതൃഗുണവും ഭാഗ്യപുഷ്ടിയും ഉണ്ടാകും. പുതിയ സംരംഭങ്ങള്‍ തുടങ്ങാന്‍ ഉദ്ദേശിക്കുന്നവര്‍ക്ക് അനുകൂല സമയം. സര്‍ക്കാരില്‍ നിന്ന് ലഭിക്കാനുള്ള ആനുകൂല്യങ്ങള്‍ ലഭിക്കും. ഗൃഹാന്തരീക്ഷം ശോഭനമായിരിക്കും.
മീനം (പൂരുരുട്ടാതി ¼, ഉതൃട്ടാതി, രേവതി)
ഗൃഹത്തില്‍ ബന്ധുസമാഗമം പ്രതീക്ഷിക്കാം. മാതാവില്‍ നിന്നും സഹായ സഹകരണം ലഭിക്കും. ഗൃഹനിര്‍മ്മാണത്തിന് തുടക്കം കുറിക്കാന്‍ ഉദ്ദേശിക്കുന്നവര്‍ക്ക് തടസ്സം നേരിടും. സാമ്പത്തികനേട്ടം പ്രതീക്ഷിക്കാം. ഉദ്യോഗസംബന്ധമായി ദൂരയാത്രകള്‍ വേണ്ടിവരും.
