കാലചക്രത്തിൻ താളം വലിയുന്നു കാഹളമോതുന്ന ഇടിമിന്നൽ ഗർജ്ജനം
കറ പുരളുന്ന ഭൂമിതൻമാറിടം
കദനഭാരത്തിൻ മുൾവേലിതീർക്കയായ്
കാർമേഘപാളികൾ ഗർത്തങ്ങളായിടും
കാനനമർമ്മരം ശംഖൊലി നാദമായ്
കടലിന്നഗാധമാം മുത്തും പവിഴവും
കൈപ്പുനീർ നുണയുന്ന
ജലജന്യജീവിതം
കളകൂജനത്തിന്റെ കാഹളം തേങ്ങലായ്
കൺകളിൽ വിരിയുന്ന
താമര ഇതളുകൾ
കരുണാർദ്ര മിഴികളിൽ ഒഴുകുന്ന നോവുകൾ
കാണുന്ന കാഴ്ച്ചകൾ മങ്ങിതുടങ്ങവേ, കേഴുന്ന മാതാവിൻ അരുമകിടാങ്ങൾക്ക്
കാൽപെരുമാറ്റവും സ്പന്ദനമായിടും
കരതിങ്ങിഉയരുന്ന
തിരമാലയെപ്പൊഴും
കലികാലവൈഭവം
ലോകനാശത്തിനായ്!
കവിത:ചന്ദ്രശേഖരൻ (മാക്കുട്ടൻ )
മാക്കുട്ടൻ :9447104712
