പെരുമ്പാവൂരില് യുവാവ് വീട്ടില് കയറി വെട്ടിപ്പരിക്കേല്പ്പിച്ച പെണ്കുട്ടി മരിച്ചു. രായമംഗലം സ്വദേശിനി അല്ക്ക അന്ന ബിനു ആണ് ചികിത്സയിലിരിക്കെ മരിച്ചത്. സെപ്റ്റംബര് അഞ്ചിന് ആയിരുന്നു സംഭവം നടന്നത്. പെണ്കുട്ടിയെ ആക്രമിച്ച ഇരിങ്ങോല് സ്വദേശിയായ പ്രതി ബേസില് ആക്രമണ ദിവസം തന്നെ ആത്മഹത്യ ചെയ്തിരുന്നു.
പെണ്കുട്ടിയെയും മുത്തശ്ശനെയും മുത്തശ്ശിയെയും ആക്രമിച്ച ബേസില് സംഭവ സ്ഥലത്ത് നിന്ന് രക്ഷപ്പെട്ട് ഇരിങ്ങോലയിലെ വീട്ടിലെത്തിയാണ് തൂങ്ങി മരിച്ചത്. സംഭവ ദിവസം ആയുധവുമായി പെണ്കുട്ടിയുടെ വീട്ടിലെത്തിയ ബേസില് വെട്ടിക്കൊലപ്പെടുത്താന് ശ്രമിക്കുകയായിരുന്നു. ആക്രമണത്തില് അല്ക്കയുടെ തലയ്ക്കും കഴുത്തിനും ആഴത്തില് മുറിവേറ്റിരുന്നു. പെണ്കുട്ടിയെ രക്ഷിക്കാനെത്തിയ മുത്തശ്ശനും മുത്തശ്ശിയ്ക്കും ആക്രമണത്തില് പരിക്കേറ്റിരുന്നു.