തിരുവനന്തപുരം: സംസ്ഥാനത്ത് വരും ദിവസങ്ങളില് വീണ്ടും ശക്തമായ മഴയ്ക്ക് സാധ്യതയെന്ന് മുന്നറിയിപ്പ്. സംസ്ഥാനത്ത് നവംബര് ഒന്നു വരെ ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പിന്റെ നിലപാട്.
നാളെ ശക്തമായ മഴയ്ക്ക് സാധ്യതയുണ്ടെന്നും മുന്നറിയിപ്പ് പറയുന്നു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിലാണ് മഴ മുന്നറിയിപ്പ്. ഇടുക്കി മുല്ലപ്പെരിയാര് അണക്കെട്ട് ഉള്പ്പെടെ തുറക്കാന് തീരുമാനിച്ചിരിക്കുന്ന പശ്ചാത്തലത്തിലാണ് വീണ്ടും മഴ മുന്നറിയിപ്പ്.
തെക്കന് ബംഗാള് ഉള്ക്കടലിന്റെ മധ്യ ഭാഗത്ത് രൂപപ്പെട്ട ന്യുന മര്ദ്ദത്തിന്റെ ഫലമായാണ് സംസ്ഥാനത്ത് മഴ മുന്നറിയിപ്പ്. നവംബര് ഒന്ന് വരെ ഇടി മിന്നലോടു കൂടിയ മഴ തുടരാന് സാധ്യതയുള്ളതായും കേന്ദ്ര കാലാവസ്ഥാ വകുപ്പ് അറിയിച്ചു. ഒറ്റപ്പെട്ട സ്ഥലങ്ങളില് ശക്തമായ മഴക്കും സാധ്യതയുണ്ട്.
പൊതുജനങ്ങള് ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു. നിലവില് തെക്ക് പടിഞ്ഞാറന് ബംഗാള് ഉള്ക്കടലില് സ്ഥിതിചെയ്യുന്ന ന്യുനമര്ദ്ദം അടുത്ത രണ്ട് ദിവസം പടിഞ്ഞാറു ദിശയില് സഞ്ചരിക്കാന് സാധ്യതയുണ്ടന്നും കേന്ദ്ര കാലാവസ്ഥ വകുപ്പ് അറിയിച്ചു.
തെക്ക് പടിഞ്ഞാറന് ബംഗാള് ഉള്കടലിലെ ന്യുന മര്ദ്ദം പടിഞ്ഞാറു ദിശയില് സഞ്ചരിച്ചു നിലവില് ശ്രീലങ്ക തീരത്തിനു സമീപം സ്ഥിതി ചെയ്യുന്നു. ന്യുന മര്ദ്ദം അടുത്ത 48 മണിക്കൂര് കൂടി പടിഞ്ഞാറു ദിശയില് സഞ്ചരിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
അറബികടലില് കേരള തീരം മുതല് കര്ണാടക തീരം വരെ നിലവിലുണ്ടായിരുന്ന ന്യുന മര്ദ്ദ പാത്തി തെക്ക് കിഴക്കന് അറബികടലില് ചക്രവാതചുഴിയായി മാറിയിട്ടുണ്ട്.