വാഷിങ്ടണ്‍: പ്രസിഡന്റ് വ്ലാദിമിര്‍ പുടിന്റെ യുക്രെയ്ന് യുദ്ധം നയപരമായ അബദ്ധമെന്ന് വൈറ്റ്ഹൗസ്. അത് റഷ്യയെ ദുര്‍ബലപ്പെടുത്തി .
ലോകരാഷ്ട്രങ്ങള്‍ക്കിടയില്‍ റഷ്യ കൂടുതല്‍ ഒറ്റപ്പെട്ടുകൊണ്ടിരിക്കയാണ്. യുക്രെയ്ന് വിഷയത്തില്‍ റഷ്യന്‍ സൈന്യം പുടിനെ തെറ്റിദ്ധരിപ്പിച്ചിരിക്കയാണ്.
തന്‍മൂലം പ്രസിഡന്റും സൈനിക നേതൃത്വവും തമ്മില്‍ ഭിന്നതയിലാണെന്ന് വിവരം ലഭിച്ചതായും വൈറ്റ്ഹൗസ് കമ്യൂണിക്കേഷന്‍സ് ഡയറക്ടര്‍ കേറ്റ് ബെഡിങ്ഫീല്‍ഡ് അവകാശപ്പെട്ടു.
യുക്രെയ്നിലെ റഷ്യന്‍ സൈന്യത്തിന്റെ അവസ്ഥയെയും ഉപരോധം മൂലം ആ രാജ്യം നേരിടുന്ന പ്രതിസന്ധികളെയും കുറിച്ച്‌ സത്യം തുറന്നുപറയാനുള്ള ഭയം മൂലം തെറ്റായ വിവരങ്ങളാണ് ഉപദേഷ്ടാക്കള്‍ പുടിനെ ധരിപ്പിക്കുന്നത്. അധിനിവേശത്തിന്റെ തുടക്കത്തില്‍ യുക്രെയ്ന് തലസ്ഥാനമായ കിവ് ലക്ഷ്യമിട്ട് വന്‍ ആക്രമണമാണ് റഷ്യ നടത്തിയത്.
വിചാരിച്ചതുപോലെയല്ല കാര്യങ്ങളെന്ന് തിരിച്ചറിഞ്ഞു. യുദ്ധമുഖത്ത് യുക്രെയ്ന് സഹായം നല്‍കുന്നത് തുടരുമെന്നും റഷ്യയില്‍ നേതൃമാറ്റം യു.എസ് പ്രസിഡന്റിന്റെ അജണ്ടയിലില്ലെന്നും അവര്‍ വ്യക്തമാക്കി.
എന്നാല്‍, റഷ്യന്‍ പ്രസിഡന്റിനെയും ഞങ്ങള്‍ തീരുമാനങ്ങള്‍ കൈക്കൊള്ളുന്നതിനെയും കുറിച്ച്‌ യു.എസ് സ്റ്റേറ്റ് ഡിപ്പാര്‍ട്മെന്റിനും പെന്റഗണിനും ഒരുചുക്കും അറിയില്ലെന്ന് റഷ്യന്‍ വക്താവ് ദിമിത്രി പെസ്കോവ് മറുപടി നല്‍കി.
