വിനോദസഞ്ചാരികള്‍ക്ക് മുന്നറിയിപ്പുമായി ആംസ്റ്റര്‍ഡാം മേയര്‍. സെക്സിനും വിനോദസഞ്ചാരത്തിനുമായാണ് വരുന്നതെങ്കില്‍ അങ്ങനെയുള്ളവരെ സ്വീകരിക്കില്ലെന്നും അവര്‍ അറിയിച്ചു.
മനോഹരമായ കനാലുകള്‍, മനോഹരമായ തെരുവുകള്‍, മഹത്തായ മ്യൂസിയങ്ങള്‍. അലഞ്ഞുതിരിയുന്നവരുടെ പ്രിയപ്പെട്ട സ്ഥലമാണ് ആംസ്റ്റര്‍ഡാം. എന്നാല്‍, കനാല്‍ നഗരത്തെ സിറ്റി ഓഫ് സിന്‍ എന്ന് വിളിക്കുന്നതിന് ഒരു കാരണമുണ്ട്. ഒരു ചുവന്ന തെരുവിന് സമാനമാണ് ഇവിടം.
ആംസ്റ്റര്‍ഡാമില്‍ വേശ്യാവൃത്തി നിയമവിധേയമാണ്. മയക്കുമരുന്ന് ഉപയോഗവും കുറ്റകരമല്ല. രണ്ടും വലിയ വരുമാന സ്രോതസ്സാണ്. എന്നാല്‍, ലൈംഗികതയും മയക്കുമരുന്നും തേടിയെത്തുന്ന വിനോദയാത്രക്കാര്‍ക്ക് ഇനി പ്രവേശനമില്ലെന്നാണ് മേയര്‍ പറയുന്നത്.
ബ്ലൂംബെര്‍ഗിന് നല്‍കിയ അഭിമുഖത്തില്‍, ആംസ്റ്റര്‍ഡാം മേയര്‍ ഫെംകെ ഹല്‍സെമ താന്‍ വിനോദസഞ്ചാരികളെ സ്നേഹിക്കുന്നുവെന്നും “നമ്മുടെ നഗരത്തിന്റെ സൗന്ദര്യത്തിനോ നമ്മുടെ മ്യൂസിയങ്ങള്‍ക്കോ അല്ലെങ്കില്‍ നമ്മുടെ രാത്രി സംസ്കാരത്തിനോ വേണ്ടി” വരുന്നവരെ സ്വാഗതം ചെയ്യുന്നുവെന്നും പറഞ്ഞു.
