തായ്വാന് : യു എസ് വാര്‍ഷിക പ്രതിരോധ ബില്ലില്‍ തായ്വാന് ഊന്നല്‍ നല്‍കുന്നതില്‍ പ്രതിഷേധിച്ച്‌ കഴിഞ്ഞ 24 മണിക്കൂറിനിടെ 71 യുദ്ധവിമാനങ്ങളും ഏഴ് യുദ്ധക്കപ്പലുകളും ചൈന തായ്‌വാനു ചുറ്റും വിന്യസിച്ചതായി തായ്വാന് പ്രതിരോധ മന്ത്രാലയം അറിയിച്ചു.
തായ്വാന് ഒരു സ്വയംഭരണ പ്രദേശമാണെന്ന് അവകാശപ്പെടുമ്ബോള്‍, തായ്വാന് തങ്ങളുടെ നിയന്ത്രണത്തിലുള്ള പ്രദേശമാണെന്ന് ചൈന അവകാശപ്പെടുന്നു. വര്‍ഷങ്ങളായി, തായ്‌വാനെ അവരുടെ വിശാലമായ സാമ്രാജ്യത്തിന്‍റെ ഭാഗമാക്കാന്‍ ചൈന ശ്രമിക്കുന്നു.
നേരത്തെയും ചൈനീസ് യുദ്ധവിമാനങ്ങള്‍ തായ്‌വാന്‍റെ വ്യോമാതിര്‍ത്തിക്ക് മുകളിലൂടെ പറന്നിരുന്നു. അമേരിക്കന്‍ സ്പീക്കര്‍ നാന്‍സി പെലോസിയുടെ സന്ദര്‍ശനത്തെ തുടര്‍ന്ന് ഓഗസ്റ്റില്‍ ചൈന ഇത്തരത്തിലൊരു സൈനികാഭ്യാസം നടത്തിയിരുന്നു.
ഞായറാഴ്ച രാവിലെ 6 നും തിങ്കളാഴ്ച രാവിലെ 6 നും ഇടയില്‍ 47 ചൈനീസ് വിമാനങ്ങള്‍ തായ്വാന് കടലിടുക്കിന്‍റെ മീഡിയന്‍ കടന്നുപോയി. ഇത് അനൗദ്യോഗിക അതിര്‍ത്തിയാണെന്ന് തായ്വാന് ദേശീയ പ്രതിരോധ മന്ത്രാലയം അറിയിച്ചു. 18 ജെ-16 യുദ്ധവിമാനങ്ങള്‍, 11 ജെ-1 യുദ്ധവിമാനങ്ങള്‍, 6 എസ്യു-30 യുദ്ധവിമാനങ്ങള്‍, ഡ്രോണുകള്‍ എന്നിവയുള്‍പ്പെടെ ഒരു വലിയ വ്യോമസേനയെ തന്നെ ചൈന തായ്‌വാനിലേക്ക് അയച്ചിട്ടുണ്ട്
