ന്യൂഡല്‍ഹി: 250 ലധികം യാത്രക്കാരുടെ മരണത്തിന് ഇടയാക്കിയ അഹമ്മദാബാദ് വിമാനാപകടത്തില്‍ തകര്‍ന്ന വിമാനത്തിന്റെ ബ്ലാക്ക് ബോക്‌സിന് സാരമായ കേടുപാടുകള്‍ സംഭവിച്ചതായി റിപ്പോര്‍ട്ട്. നിര്‍ണായക വിവരങ്ങള്‍ ലഭിക്കേണ്ട ബ്ലാക് ബോക്‌സിനു കേടുപാടുകള്‍ സംഭവിച്ചതോടെ ഇതില്‍ നിന്നുള്ള വിവരങ്ങള്‍ ശേഖരിക്കാനായി അമേരിക്കയുടെ സഹായങ്ങള്‍ തേടാനുള്ള ശ്രമം ആരംഭിച്ചതായും റിപ്പോര്‍ട്ടുകള്‍ പുറത്തു വന്നു.
വാഷിങ്ങ്ടണ്‍ ഡിസിയിലെ നാഷണല്‍ ട്രാന്‍സ്‌പോര്‍ട്ടേഷന്‍ സേഫ്റ്റി ബോര്‍ഡിലേക്ക് ബ്ലാക്ക് ബോക്സ് പരിശോധനയ്ക്കായി അയക്കുമെന്നാണ് റിപ്പോര്‍ട്ട്.
ബ്ലാക് ബോക്സില്‍ രണ്ട് സുപ്രധാന ഉപകരണങ്ങളാണ് ഉള്‍പ്പെടുന്നത്. കോക്ക്പിറ്റ് വോയ്‌സ് റെക്കോര്‍ഡര്‍( സിവിആര്‍), ഫ്ളൈലറ്റ് ഡാറ്റ റെക്കോര്‍ഡര്‍ (എഫ്ഡിആര്‍ ) ബ്ലാക് ബോക്‌സിനു കേടുപാടുകള്‍ സംഭവിച്ചതോടെയാണ് ഇതില്‍ നിന്നും വിവരങ്ങള്‍ ശേഖരിക്കന്‍ ബുദ്ധിമുട്ടായത്. ബ്ലാക്ക് ബോക്സ് പരിശോധനയ്ക്കായി അമേരിക്കയിലേക്ക് അയച്ചാല്‍, എല്ലാ പ്രോട്ടോക്കോളും പാലിക്കുന്നുണ്ടോയെന്ന് ഉറപ്പാക്കാനായി ഇന്ത്യന്‍ ഉദ്യോഗസ്ഥരുടെ ഒരു സംഘവും ബ്ലാക്ക് ബോക്‌സിനൊപ്പം പോകുമെന്ന് അധികൃതര്‍ അറിയിച്ചു.
ഈ മാസം 12 നാണ് അഹമ്മദാബാദിലെ സര്‍ദാര്‍ വല്ലഭായ് പട്ടേല്‍ അന്താരാഷ്ട്ര വിമാനത്താവളത്തില്‍ നിന്ന് ലണ്ടനിലേക്ക് പറന്നുയര്‍ന്ന എയര്‍ ഇന്ത്യ വിമാനം നിമിഷങ്ങള്‍ക്കുള്ളില്‍ തകര്‍ന്നുവീണത്. ഉച്ചയ്ക്ക് 1:40 ന് മേഘാനി നഗര്‍ പ്രദേശത്തെ മെഡിക്കല്‍ കോളജ് ഹോസ്റ്റല്‍ സമുച്ചയത്തിലേക്ക് പതിച്ച് തീപിടിക്കുകയായിരുന്നു. അപകടത്തില്‍ വിമാനത്തിലുണ്ടായിരുന്ന 242 പേരില്‍ ഒരാള്‍ മാത്രമാണ് രക്ഷപ്പെട്ടത്. തകര്‍ന്ന് 28 മണിക്കൂറിന് ശേഷം തിങ്കളാഴ്ചയാണ് എയര്‍ ഇന്ത്യ വിമാനത്തിലെ ബ്ലാക്ക് ബോക്സ് കണ്ടെടുത്തത്. അവശിഷ്ടങ്ങളില്‍ നിന്നും പെട്ടെന്നു കണ്ടെത്താനായി ഓറഞ്ച് നിറമാണ് ബ്ലാക്ക് ബോക്സുകള്‍ക്കുള്ളത്.
Bharatamba picture controversy again: Education Minister boycotts ceremony at Raj Bhavan
