വാഷിംഗ്ടൺ: പ്രസിഡന്‍റ് ഡോണൾഡ് ട്രംപിന്റെ പൗരത്വം നിഷേധിക്കാനുള്ള ഉത്തരവ് ഭരണഘടനാ വിരുദ്ധമാണെന്ന് സാൻ ഫ്രാൻസിസ്കോയിലെ ഫെഡറൽ അപ്പീൽ കോടതി ബുധനാഴ്ച വിധിച്ചു. ഈ ഉത്തരവ് രാജ്യവ്യാപകമായി തടഞ്ഞ കീഴ്ക്കോടതി വിധി അപ്പീൽ കോടതി ശരിവെച്ചു. ഒൻപതാം യുഎസ് സർക്യൂട്ട് കോർട്ട് ഓഫ് അപ്പീൽസിലെ മൂന്നംഗ ബെഞ്ചിന്‍റേതാണ് ഈ വിധി.
ന്യൂ ഹാംഷെയറിലെ ഒരു ഫെഡറൽ ജഡ്ജിയും ട്രംപിന്റെ പദ്ധതി തടഞ്ഞിരുന്നു. ഒരു അപ്പീൽ കോടതി ഈ വിഷയത്തിൽ ആദ്യമായി ഇടപെടുന്നത് ആദ്യമാണ്. ഈ വിഷയം സുപ്രീം കോടതിക്ക് മുന്നിൽ വേഗത്തിൽ എത്താൻ ഈ വിധി കാരണമാകും. അമേരിക്കയിൽ അനധികൃതമായി താമസിക്കുന്നവരുടേയോ താൽക്കാലികമായി താമസിക്കുന്നവരുടേയോ കുട്ടികൾക്ക് പൗരത്വം നിഷേധിക്കുന്ന ട്രംപ് ഭരണകൂടത്തിൻ്റെ ഉത്തരവ് തടഞ്ഞുകൊണ്ടുള്ള കീഴ്ക്കോടതി വിധി ഒൻപതാം സർക്യൂട്ട് വിധിയിലൂടെ നിലനിർത്തിയിരിക്കുകയാണ്.
യുണൈറ്റഡ് സ്റ്റേറ്റ്സിൽ ജനിച്ച പലർക്കും പൗരത്വം നിഷേധിക്കുന്ന എക്സിക്യൂട്ടീവ് ഓർഡറിൻ്റെ നിർദ്ദിഷ്ട വ്യാഖ്യാനം ഭരണഘടനാ വിരുദ്ധമാണെന്ന് ജില്ലാ കോടതി നിഗമനം ചെയ്തു.
