പ്രസിഡന്റ് ഡൊണാൾഡ് ട്രംപിനെതിരായ അന്വേഷണം നടത്തിയ ജസ്റ്റിസ് ഡിപ്പാർട്ട്മെന്റിലെ 20-ലധികം ജീവനക്കാരെ കേന്ദ്ര സർക്കാർ പുറത്താക്കിയതായി റിപ്പോർക്കളിൽ പറയുന്നു.
പുറത്താക്കിയവരിൽ, മുൻ സ്പെഷ്യൽ കൗൺസിലറായ ജാക്ക് സ്മിത്തിന്റെ നേതൃത്വത്തിൽ പ്രവർത്തിച്ചവരാണ്. ഇവർ പ്രധാനമായും രണ്ട് കേസുകളിലായിരുന്നു അന്വേഷണം നടത്തിയത് :
- ട്രംപിന്റെ മാര്ലാഗോ വീട്ടിൽ കണ്ടെത്തിയ രഹസ്യ രേഖകളുമായി ബന്ധപ്പെട്ട കേസ്,
2. 2020 ലെ പ്രസിഡന്റൽ തിരഞ്ഞെടുപ്പ് ഫലം മാറ്റാൻ ട്രംപ് ശ്രമം നടത്തിയെന്ന ആരോപണവുമായി ബന്ധപ്പെട്ട അന്വേഷണം.
ഇതുവരെ കുറഞ്ഞത് 35 പേരെ പുറത്താക്കിയിട്ടുണ്ട്. ഇനിയും 15 പേരെ പുറത്താക്കാൻ സാധ്യതയുണ്ടെനാണ് റിപോർട്ട്. ധന വകുപ്പിലെ ജീവനക്കാർ, നോർത്ത് കാരോളിനയിലെയും ഫ്ളോറിഡയിലുമുള്ള ഫെഡറൽ പ്രോസിക്യൂട്ടർമാർ തുടങ്ങിയവരാണ് ഈ പുറത്താക്കൽ ബാധിക്കപ്പെട്ടത്. ജനുവരി 6ലെ ക്യാപിറ്റോൾ കലാപം സംബന്ധിച്ച കേസുകളിൽ പ്രവർത്തിച്ച മൂന്ന് മുതിർന്ന പ്രോസിക്യൂട്ടർമാരെ ജൂണിൽ നേരത്തെ പുറത്താക്കിയിരുന്നു.
ഈ നടപടികൾ അറ്റോർണി ജനറൽ പാം ബോണ്ടി രൂപീകരിച്ച “Weaponization Working Group” എന്ന സംഘമാണ് നയിക്കുന്നത്. ഈ സംഘം ബൈഡൻ ഭരണകാലത്തെ നിയമപ്രവർത്തനങ്ങൾ തെറ്റായി ഉപയോഗിച്ചോയെന്നു വിലയിരുത്തുകയാണ് ലക്ഷ്യം. ഇതിന്റെ ഭാഗമായി ട്രംപ്ക്കെതിരായ ഫെഡറൽ കേസുകളും, ജനുവരി 6 കലാപത്തിൽ പങ്കെടുത്തവർക്കെതിരായ നടപടികളും, ന്യൂയോർക്കിലെ ഹഷ് മണി കേസും, ട്രംപ് ഓർഗനൈസേഷൻ കേസും ഉൾപ്പെടുത്തി പരിശോധിക്കുന്നു.
ട്രംപ് വീണ്ടും പ്രസിഡന്റായി അധികാരത്തിൽ വന്നതിന് പിന്നാലെ തന്നെയാണ് ഈ “ശുദ്ധീകരണം” ആരംഭിച്ചത്. അദ്ദേഹം ജനുവരി 6 കലാപക്കാർക്ക് വേണ്ടി പ്രതിരോധം നടത്തിയിരുന്ന അഭിഭാഷകനായ എഡ് മാർട്ടിനെ വാഷിംഗ്ടണിൽ പ്രധാന പ്രോസിക്യൂട്ടറായി നിയമിച്ചു.
ട്രംപ് അനുയായികളും അദ്ദേഹത്തെയും പിന്തുടരുന്നവരും ജനുവരി 6 നു നടന്ന കലാപത്തെ നിസ്സാരവത്ക്കരിക്കുകയും, അതിൽ ശിക്ഷിക്കപ്പെട്ടവരെ “രാഷ്ട്രീയ തടവുകാർ” എന്ന വിളിപ്പേരിൽ പൊതുജനങ്ങളിൽ അവതരിപ്പിക്കുകയുമാണ് ചെയ്തത്.
2024 ജനുവരിയിൽ, ഏകദേശം 1,500 പ്രതികൾക്ക് ഒറ്റപ്പെട്ട പൊതു മാപ്പ് നൽകിയതോടെ, കേസ് നടപടികൾ അവസാനിക്കുകയായിരുന്നു.
Was Investigating Trump a Crime? Over 20 Justice Department Officials Fired
