കൊച്ചി: മലയാള സിനിമാ വ്യവസായത്തിൽ സമഗ്രമായ മാറ്റങ്ങൾ നിർദേശിച്ച് സിനിമാ നയ രൂപീകരണത്തിനുള്ള കരട് രേഖ തയ്യാറായി. സിനിമാ സെറ്റുകളിൽ സ്ത്രീകൾക്കും ലിംഗ ന്യൂനപക്ഷങ്ങൾക്കും നേരെയുണ്ടാകുന്ന വിവേചനം, ലൈംഗികാതിക്രമം, അധികാര ദുർവിനിയോഗം എന്നിവ കർശനമായി നിരോധിക്കാൻ കരട് നയം ശുപാർശ ചെയ്യുന്നു. കാസ്റ്റിംഗ് കൗച്ച് പോലുള്ള ചൂഷണങ്ങൾ നടത്തുന്നവരെ സിനിമാ മേഖലയിൽ നിന്ന് പൂർണ്ണമായി ബ്ലാക്ക് ലിസ്റ്റ് ചെയ്യണമെന്നും കരട് നയം നിർദേശിക്കുന്നുണ്ട്.
ലൈംഗികാതിക്രമം, വിവേചനം എന്നിവ നിരോധിക്കണം: സിനിമ സെറ്റുകളിൽ സ്ത്രീകൾക്കും ലിംഗ ന്യൂനപക്ഷങ്ങൾക്കും നേരെയുണ്ടാകുന്ന എല്ലാത്തരം വിവേചനങ്ങളും ലൈംഗികാതിക്രമങ്ങളും അധികാര ദുർവിനിയോഗവും പൂർണ്ണമായി നിരോധിക്കാൻ കർശനമായ നിയമങ്ങൾ കൊണ്ടുവരണം.
കാസ്റ്റിംഗ് കൗച്ച് തടയണം: സിനിമാ അവസരങ്ങൾ വാഗ്ദാനം ചെയ്ത് ലൈംഗിക ചൂഷണം നടത്തുന്ന ‘കാസ്റ്റിംഗ് കൗച്ച്’ പ്രവണതകൾ അവസാനിപ്പിക്കാൻ നടപടി വേണം. ഇത്തരം പ്രവൃത്തികളിൽ ഏർപ്പെടുന്നവരെ സിനിമാ മേഖലയിൽ നിന്ന് എന്നെന്നേക്കുമായി മാറ്റി നിർത്തണം (ബ്ലാക്ക് ലിസ്റ്റ് ചെയ്യണം).
