വാഷിങ്ടൺ ഡി.സി.: ചൊവ്വ ദൗത്യം ലക്ഷ്യമിട്ട് ബഹിരാകാശ യാത്രയ്ക്കായി നാസ തിരഞ്ഞെടുത്ത പത്തുപേരിൽ ആറുപേർ വനിതകൾ. നാസയുടെ 24-ാമത് അസ്ട്രോണറ്റ് കാൻഡിഡേറ്റ് (എ.എസ്.കാൻ.) പട്ടികയാണ് കഴിഞ്ഞ ദിവസം പുറത്തുവിട്ടത്. ഈ ബാച്ചിൽനിന്നായിരിക്കും ഭാവിയിൽ ചൊവ്വാദൗത്യത്തിനുള്ള സംഘത്തെ നിശ്ചയിക്കുക.
പത്തുപേരിൽ ആറുപേർ വനിതകളായതിനാൽ ചുവന്ന ഗ്രഹത്തിലേക്കുള്ള സംഘത്തിൽ ഒരു വനിതയെങ്കിലും ഉണ്ടാകുമെന്ന് ഉറപ്പാണ്. അടുത്ത വർഷം ആദ്യം ചാന്ദ്ര പരിസരത്തേക്ക് കുതിക്കുന്ന ആർട്ടിമിസ്-2 ദൗത്യത്തിലും ഒരു വനിതാ യാത്രികയുണ്ട്.
നാസയ്ക്ക് ലഭിച്ച 8,000 അപേക്ഷകരിൽനിന്നാണ് 10 പേരെ തിരഞ്ഞെടുത്തത്. 2021 മുതൽ ഈ രീതിയിലാണ് നാസ ബഹിരാകാശ യാത്രികരെ തിരഞ്ഞെടുക്കുന്നത്. ശാസ്ത്രജ്ഞർ മുതൽ മുൻ കായികതാരം വരെ ഈ പട്ടികയിലുണ്ട്.
NASA has selected six women among the ten candidates for its 24th Astronaut Candidate (ASCAN) class, who are being trained for future missions, including the crewed mission to Mars.
