ചിക്കാഗോ: ബെൻസൻവിൽ തിരുഹൃദയ ക്നാനായ കത്തോലിക്കാ ദേവാലയത്തിൽ ചെറുപുഷ്പ മിഷൻ ലീഗിൻ്റെ ഈ വർഷത്തെ പ്രവർത്തനോദ്ഘാടനവും വിശുദ്ധ കൊച്ചുത്രേസ്യായുടെ തിരുനാളും സമുചിതമായി ആഘോഷിച്ചു.
വിശുദ്ധ കുർബാനയെത്തുടർന്ന് മിഷൻ ലീഗ് അംഗങ്ങളും പുതുതായി തിരഞ്ഞെടുക്കപ്പെട്ട ഭാരവാഹികളും പ്രദക്ഷിണമായി ദേവാലയത്തിലെത്തി. ചെമ്മഞ്ഞക്കൊടികളും പുഷ്പങ്ങളുമേന്തിയ കുഞ്ഞു മിഷനറിമാർക്ക് ഇടവകവികാരി റവ. ഫാ. എബ്രഹാം കളരിക്കൽ മിഷൻ ലീഗിലേക്ക് സ്വാഗതമരുളി. പുതുതായി തിരഞ്ഞെടുക്കപ്പെട്ട ഭാരവാഹികളെ അദ്ദേഹം അനുമോദിച്ചു. സഭയുടെ മിഷൻ ചൈതന്യം കുഞ്ഞുങ്ങളിലേക്ക് പകർന്നുനൽകാൻ പരിശ്രമിക്കുന്ന മിഷൻ ലീഗ് കോർഡിനേറ്റർമാരെയും അദ്ദേഹം അഭിനന്ദിച്ചു. ക്രമീകരണങ്ങൾക്ക് ഡി. ആർ. ഇ. കൊളീൻ കീഴങ്ങാട്ട്, മിഷൻ ലീഗ് ഡയറക്ടർ ആൻസി ചേലക്കൽ എന്നിവർ നേതൃത്വം നൽകി.
Inauguration of the Cherupushpa Mission League and the feast of Kochu Thresya
