ജീമോന്‍ റാന്നി
ഹൂസ്റ്റണ്‍ : ഹൂസ്റ്റണ്‍ ട്രിനിറ്റി മാര്‍ത്തോമാ ഇടവകയുടെ ആഭിമുഖ്യത്തില്‍ ഈ വര്‍ഷത്തെ കണ്‍വെന്‍ഷന്‍ ഒക്ടോബര്‍ 31,നവംബര്‍ ഒന്ന്, രണ്ട് (വെള്ളി, ശനി,ഞായര്‍) തീയതികളില്‍ നടത്തപ്പെടും. ഞായറാഴ്ച രാവിലെയുള്ള ആരാധന മദ്ധ്യേ കണ്‍വെന്‍ഷന്റെ സമാപന പ്രസംഗം നടത്തും.
ട്രിനിറ്റി ദേവാലയത്തില്‍ ( 5810, Almeda Genoa Rd, Houston , TX 77048) വച്ച് നടത്തപെടുന്ന കണ്‍വെന്‍ഷന്‍ യോഗങ്ങള്‍ ഇടവക ഗായകസംഘത്തിന്റെ ഗാനശുശ്രൂഷ്രയോടുകൂടി വൈകുന്നേരം 7 മണിയ്ക്ക് ആരംഭിയ്ക്കും.
അനുഗ്രഹീത കണ്‍വെന്‍ഷന്‍ പ്രസംഗകനും, മാര്‍ത്തോമാ സഭയുടെ കണ്‍വെന്‍ഷന്‍ പ്രസംഗകരുടെ കൂട്ടായ്മയുടെ വൈസ് പ്രസിഡന്റുമായ ഇവാഞ്ചലിസ്‌റ് ജോയ് പുല്ലാട് ദൈവവചന പ്രഘോഷണത്തിനു നേതൃത്വം നല്‍കും. നാല് ദശാബ്ദത്തിലധികമായി സുവിശേഷ വയല്‍ പ്രദേശത്ത് ക്രിസ്തുവിന്റെ ഭടനായി പ്രവര്‍ത്തിക്കുന്ന ജോയ് പുല്ലാട് ദൈവത്തെ അറിയാതെ പോകുന്ന അനേക ജീവിതങ്ങളെ രക്ഷയുടെ അനുഭവത്തിലേക്കു കൊണ്ടുവരുന്നതിന് ശ്രമിച്ചുകൊണ്ടിരിക്കുന്നു.
കണ്‍വെന്‍ഷന്‍ യോഗങ്ങളില്‍ സംബന്ധിച്ച് അനുഗ്രഹം പ്രാപിക്കുവാന്‍ ദൈവവചന നത്തിന്റെ ആഴമേറിയ മര്‍മ്മങ്ങളെ ഗ്രഹിക്കുവാന്‍ ഏവരെയും
സന്തോഷപൂര്‍വം ക്ഷണിക്കുന്നതായി ഇടവക ഭാരവാഹികള്‍ അറിയിച്ചു.
കൂടുതല്‍ വിവരങ്ങള്‍ക്ക്,
റവ. ജിജോ.എം. ജേക്കബ് (വികാരി) – 832 898 8699
റവ.ജീവന്‍ ജോണ്‍ (അസി. വികാരി) – 713 408 7394
അജിത് വര്‍ഗീസ് (സെക്രട്ടറി) – 832 216 9087
Trinity Marthoma Parish Convention from October 31st
