ന്യൂജേഴ്സി: ന്യൂജേഴ്‌സിയിൽ ഇന്ന് രാവിലെ നിരവധി പോളിംഗ് ബൂത്തുകൾക്ക് നേരെ ഭീഷണിയുണ്ടായതായി ഉദ്യോഗസ്ഥർ അറിയിച്ചു. ഇതേത്തുടർന്ന് നിയമപാലകരുടെ പ്രതികരിക്കുകയും ചില പോളിംഗ് ബൂത്തുകൾ താൽക്കാലികമായി അടയ്ക്കുകയും ചെയ്തു. അന്വേഷണം നടത്തുകയും ഈ സമയത്ത് വിശ്വാസയോഗ്യമായ ഭീഷണികളൊന്നുമില്ലെന്ന് കണ്ടെത്തുകയും ചെയ്തതായി ലെഫ്റ്റനൻ്റ് ഗവർണർ താഹേഷ വേ പ്രസ്താവനയിൽ അറിയിച്ചു.
ബർഗൻ, എസ്സെക്സ്, മെർസർ, മിഡിൽസെക്സ്, മോൺമൗത്ത്, ഓഷ്യൻ, പാസ്സായിക് കൗണ്ടികളിലെ പോളിംഗ് ബൂത്തുകളിലാണ് ഭീഷണി സന്ദേശങ്ങളടങ്ങിയ ഇമെയിലുകൾ ലഭിച്ചതെന്ന് എൻ.ജെ. അറ്റോർണി ജനറൽസ് ഓഫീസ് അറിയിച്ചു.
“ബാധിക്കപ്പെട്ട ഓരോ പോളിംഗ് ബൂത്തിലും നിയമപാലകർ പ്രതികരിക്കുകയും, ഈ പോളിംഗ് കേന്ദ്രങ്ങൾ സുരക്ഷിതമാക്കാനും ഓരോ വോട്ടറുടെയും സുരക്ഷ ഉറപ്പാക്കാനും അവർ വേഗത്തിൽ പ്രവർത്തിക്കുകയും ചെയ്തു,” എൻ.ജെ. അറ്റോർണി ജനറൽ മാത്യു പ്ലാറ്റ്കിൻ പറഞ്ഞു.
“ഈ പോളിംഗ് കേന്ദ്രങ്ങളിൽ ചിലത് പൊതുജനങ്ങൾക്കായി തുറന്നു കഴിഞ്ഞു. മറ്റ് കേന്ദ്രങ്ങളിലെ വോട്ടർമാർക്ക് വോട്ട് രേഖപ്പെടുത്തുന്നതിനായി അടുത്തുള്ള പോളിംഗ് കേന്ദ്രങ്ങളിലേക്ക് നിർദ്ദേശം നൽകും,” പ്രസ്താവനയിൽ വ്യക്തമാക്കി.
ഭീഷണികളെത്തുടർന്ന്, തൻ്റെ ടീം സാഹചര്യം നിരീക്ഷിച്ച് വരികയാണെന്നും എല്ലാ വോട്ടർമാർക്കും ഇന്ന് സുരക്ഷിതമായ രീതിയിൽ തങ്ങളുടെ വോട്ടവകാശം വിനിയോഗിക്കാൻ കഴിയുമെന്ന് ഞങ്ങൾ ഉറപ്പാക്കുമെന്നും ഡിസ്ട്രിക്റ്റ് ഓഫ് ന്യൂജേഴ്‌സിക്ക് വേണ്ടിയുള്ള ആക്ടിംഗ് യുണൈറ്റഡ് സ്റ്റേറ്റ്സ് അറ്റോർണി എക്‌സിൽ കുറിച്ചു.
സംശയാസ്പദമായ എന്തെങ്കിലും പ്രവർത്തനങ്ങൾ ശ്രദ്ധയിൽപ്പെട്ടാൽ 911-ൽ വിളിക്കണമെന്ന് സംസ്ഥാന ഉദ്യോഗസ്ഥർ താമസക്കാരോട് അഭ്യർത്ഥിച്ചു.
