തിരുവനന്തപുരം: പീഡനക്കേസില് പ്രതിയായ രാഹുല് മാങ്കൂട്ടത്തില് എംഎല്എ സംസ്ഥാനത്തു നിന്നും പുറത്തുപോവുന്നത് തടയാന് പോലീസ് ലുക്ക് ഔട്ട് നോട്ടീസ് നല്കി. പ്രധാനപ്പെട്ട വിമാനത്താവളങ്ങളില് ഉള്പ്പെടെ നോട്ടീസ് നല്കിയതായാണ് അറിയുന്നത്. ഇതിനിടെ യുവതിയെ പാലക്കാട് ഉള്പ്പെടെ മൂന്നു സ്ഥലത്ത് എത്തിച്ച് ബലാത്സംഗം ചെയ്തുവെന്ന് എഫ്ഐആര്.
യുവതിയുടെ നഗ്നദൃശ്യങ്ങള് രാഹുല് പകര്ത്തിയാതയും ഈ ദൃശ്യങ്ങള് പരസ്യപ്പെടുത്തുമെന്ന് പറഞ്ഞ് ഭീഷണിപ്പെടുത്തിയെന്നും മൊഴിയില് പറയുന്നു.
യുവതിയെ നിര്ബന്ധമായി ഗര്ഭച്ഛിദ്രത്തിന് വിധേയയാക്കിയെന്നും സുഹൃത്ത് വഴിയാണ് ഗര്ഭനിരോധന ഗുളിക എത്തിച്ചു നല്കിയതെന്ന് യുവതി മൊഴിയില് പറയുന്നുണ്ട്.
കുട്ടിയുണ്ടായാല് രാഷ്ട്രീയ ഭാവി നശിക്കുമെന്ന് പറഞ്ഞാണ് ഗര്ഭച്ഛിദ്രത്തിന് നിര്ബന്ധിച്ചത്. എതിര്ത്തപ്പോള് അസഭ്യം പറഞ്ഞു. കൊല്ലുമെന്നു ഭീഷണിപ്പെടുത്തി. സുഹൃത്ത് എത്തിച്ച ഗുളിക കഴിച്ചോയെന്ന് വീഡിയോകോള് ചെയ്ത് രാഹുല് ഉറപ്പാക്കിയെന്നും യുവതി പൊലീസിന് നല്കിയ മൊഴിയില് വ്യക്തമാക്കിയിരുന്നു. 20 പേജുള്ള മൊഴിയാണ് യുവതി പൊലീസിന് നല്കിയിട്ടുള്ളത്.
Police issue lookout notice for Rahul: Woman says he was taken to three places and raped
