തിരുവനന്തപുരം: ഭ്രൂണഹത്യ ഉള്പ്പെടെയുള്ള വകുപ്പുകള് പ്രകാരം രാഹുല് മാങ്കൂട്ടത്തിലിനെതിരേ കേസ് എടുത്തതിനു പിന്നാലെ മുന്കൂര് ജാമ്യത്തിനായുള്ള നീക്കവുമായി രാഹുല്. ഇത് സംബന്ധിച്ച് നിയമവിദഗ്ധരുമായി കൂടിക്കാഴ്ച്ച നടത്തിയതായും സൂചനയുണ്ട്. നിലവില് രാഹുലിന്റെ ഫോണുകള് സ്വിച്ച് ഓഫാണ്. പാലക്കാട്ടു നിന്നും ഇന്നലെ മടങ്ങിയ രാഹുല് പത്തനംതിട്ടയിലെ വീട്ടില് എത്തിയിട്ടില്ല. പത്തനംതിട്ടയിലെ വീടിനു കനത്ത പോലീസ് സുരക്ഷ ഒരുക്കി.
ലൈംഗിക പീഡന പരാതിയില് രാഹുല് മാങ്കൂട്ടത്തിലിനെതിരെ ഇന്നലെയാണ് തിരുവനന്തപുരം വലിയമല പൊലീസ് സ്റ്റേഷനിലാണ് കേസ് രജിസ്റ്റര് ചെയ്തത്.
വിവാഹ വാഗ്ദാനം നല്കി പീഡനം, നിര്ബന്ധിച്ച് ഗര്ഭഛിദ്രം നടത്തല് എന്നീ കുറ്റങ്ങളാണ് രാഹുല് മാങ്കൂട്ട ത്തിലിനെതിരെ ചുമത്തി യിരിക്കുന്നത്.
ജാമ്യമില്ലാ വകുപ്പ് പ്രകാരമാണ് കേസ്. കേസ് നേമം പോലീസിനു കൈമാറി,. തിരുവനന്തപുരം റൂറല് എസ് പിക്കാണ് കേസിന്റെ അന്വേഷണ ചുമതല. കേസില് പരാതിക്കാരിയായ അതി ജീവിതയുടെ മൊഴി ഇന്നലെ രാത്രി രേഖപ്പെടു ത്തിയിരുന്നു. ഡിജിറ്റല് തെളിവുകളും മെഡിക്കല് രേഖകളും യുവതി പൊലീസിന് കൈമാറിയതായാണ് അറിയുന്നത്. ഇന്നലെ വൈകുന്നേരത്തോടെയാണ് മുഖ്യമന്ത്രിയുടെ ഓഫീസില് നേരിട്ടെത്തി യുവതി പരാതികളും ഡിജിറ്റല് തെളിവുകളും കൈമാറിയത്.
കേസെടുക്കാന് എഡിജിപി നിര്ദ്ദേശം നല്കിയതിനെ തുടര്ന്നാണ് യുവതിയുടെ മൊഴി നേരിട്ട് രേഖപ്പെടുത്തിയത്. കേസില് അറസ്റ്റടക്കമുള്ള നടപടികളിലേക്ക് പൊലീസ് കടന്നേക്കുമെന്ന സൂചനകള് പുറത്തു വന്നതോടെയാണ് രാഹുല് മുന്കൂര് ജാമ്യത്തിനു ശ്രമിക്കുന്നതായും അഭിഭാഷകനുമായി കൂടിക്കാഴ്ച നടത്തിയതായുമുള്ള വിവരങ്ങളും പുറത്തുവന്നത്.
Rahul Gandhi moves for anticipatory bail; Police to take Rahul into custody
