പി പി ചെറിയാന്‍
ഹൂസ്റ്റണ്‍ :ദൈവം തന്റെ ആത്മാവിനെ മനുഷ്യന്റെ ഉള്ളിലേക്കു ഊതിയപ്പോള്‍ മനുഷ്യനു ജീവന്‍ ലഭിച്ചു എന്നാല്‍ പാപം വന്നപ്പോള്‍ മനുഷ്യന്‍ ആത്മാവില്‍ നിന്നും പിന്മാറി തുടങ്ങി. ആത്മാവില്ലാത്ത ശരീരം ജീവിച്ചിരിപ്പില്ലാത്തതുപോലെ, ആത്മീയ ബന്ധം നഷ്ടമായ മനുഷ്യനും ശൂന്യതയിലായി. ‘ദൈവത്തിന്റെ ആത്മാവും മനുഷ്യന്റെ ആത്മീയാവസ്ഥയും’ തമ്മിലുള്ള ബന്ധത്തെ അപഗ്രഥിച്ചു ലീന കെ. ചെറിയാന്‍ പറഞ്ഞു. ഇന്റര്‍നാഷണല്‍ പ്രയര്‍ലൈന്‍ നവ:11 ചൊവാഴ്ച സംഘടിപ്പിച്ച 600- മത് സമ്മേളനത്തില്‍ മുഖ്യ സന്ദേശം സന്ദേശം നല്‍കുകയായിരുന്നു ഡോ. ലീന
ദൈവത്തിന്റെ ആത്മാവിനോടുള്ള ദാഹം നമ്മുടെ ഉള്ളില്‍ ഉണ്ടോ എന്നത് നാം തിരിച്ചറിയേണ്ടത്. മനുഷ്യന്‍ ഭൂമിയില്‍ ദുരിതം, ദൗര്‍ഭാഗ്യം, രോഗം എന്നിവയെല്ലാം നേരിടുമ്പോഴും, ദൈവത്തിന്റെ ആത്മാവിനോടു ചേര്‍ന്ന് നടക്കുമ്പോള്‍ അതിനെ അതിജീവിക്കുവാന്‍ ശക്തി ലഭിക്കുന്നു. അതുകൊണ്ട് ദൈവത്തിന്റെ ആത്മാവിനോടു നിരന്തരം ആഗ്രഹിക്കുകയും പ്രാര്‍ത്ഥിക്കുകയും ചെയ്യേണ്ടതാണ്.
ദൈവം നമ്മെ വിളിക്കുന്നു; അവനില്‍ നിന്നു അകന്നുപോയവരെ തിരികെ കൊണ്ടുവരുവാന്‍ അവന്‍ എപ്പോഴും സന്നദ്ധനാണ്.
അതുകൊണ്ട്, പ്രിയരേ, നമുക്ക് നമ്മുടെ ഹൃദയം ദൈവത്തിന്റെ ആത്മാവിനായി തുറക്കാം..നമുക്കുള്ളില്‍ ദാഹം ഉണ്ടാവട്ടെ, പ്രാര്‍ത്ഥനയിലൂടെ, വിശ്വാസജീവിതത്തിലൂടെ, കൂട്ടായ്മകളിലൂടെ നാം ആത്മാവിനാല്‍ നിറയട്ടെ.നമ്മുടെ ഓരോ വാക്കും പ്രവൃത്തിയും ദൈവത്തിന്റെ മഹത്വത്തിനായിരിക്കട്ടെ.ഡോ. ലീന പ്രസംഗം ഉപസംഹരിച്ചു
.
എബ്രഹാം കെ. ഇഡിക്കുളയുടെ (ഹ്യൂസ്റ്റണ്‍ )പ്രാരംഭ പ്രാര്‍ത്ഥനയോടെ ആരംഭിച്ച യോഗത്തില്‍ ഐപിഎല്‍ കോര്‍ഡിനേറ്റര്‍ സി.വി. സാമുവേല്‍ ആമുഖ പ്രസംഗം ചെയ്തു. കഴിഞ്ഞ 600 ആഴ്ച്ചകളില്‍ മുടങ്ങാതെ പ്രാര്‍ത്ഥന നടത്തുവാന്‍ കഴിഞ്ഞു വന്നത് ദൈവീക കൃപ ഒന്ന് മാത്രമാണെന്നു സി വി എ സ് പറഞ്ഞു
ഐ പി എല്‍ കോര്‍ഡിനേറ്റര്‍ ടി. എ. മാത്യു(ഹ്യൂസ്റ്റണ്‍,) മുഖ്യതിഥി ഡോ. ലീന കെ. ചെറിയാനെ (അസിസ്റ്റന്റ് പ്രൊഫസര്‍, പോസ്റ്റ് ഗ്രാജുവേറ്റ് ഡിപ്പാര്‍ട്ട്‌മെന്റ് ഓഫ് കൊമേഴ്സ് ആന്‍ഡ് റിസര്‍ച്ച് സെന്റര്‍, സെന്റ് തോമസ് കോളേജ്, കോഴഞ്ചേരി, കേരളം..ഹൂസ്റ്റണ്‍ ട്രിനിറ്റി മാര്‍ത്തോമ്മാ പള്ളി വികാരി റവ. ജിജോ എം. ജേക്കബിന്റെ ഭാര്യ)പരിചയപ്പെടുത്തുകയും ചെയ്തു സ്വാഗതമാശംസിക്കുകയും ചെയ്തു
ശ്രീമതി ഗ്രേസി വട്ടക്കുന്നേല്‍, ഹ്യൂസ്റ്റണ്‍ നിശ്ചയിക്കപ്പെട്ട പാഠഭാഗം വായിച്ചു..മിസ്സിസ് വല്‍സ മാത്യു, ഹ്യൂസ്റ്റണ്‍, മദ്ധ്യസ്ഥ പ്രാര്‍ത്ഥനയ്ക്കു നേതൃത്വം നല്‍കി.തുടര്‍ന്ന് ശ്രീമതി ഡോ. ലീന കെ. ചെറിയാന്‍.മുഖ്യ സന്ദേശം നല്‍കി
ഐപിഎല്‍ സംഘടിപ്പിക്കുന്ന പ്രതിവാര പ്രാര്‍ത്ഥനാ യോഗങ്ങളില്‍ നിരവധി പേര്‍ ലോകത്തിന്റെ വിവിധ ഭാഗങ്ങളില്‍ നിന്നും സംബന്ധിച്ചിരുന്നുവെന്നു കോര്‍ഡിനേറ്റര്‍ ടി.എ. മാത്യു പറഞ്ഞു. തുടര്‍ന്ന് നന്ദി രേഖപ്പെടുത്തി. സമാപന പ്രാര്‍ത്ഥനയും ആശീര്‍വാദവും:റവ.റവ. ജിജോ എം. ജേക്കബ്, ഹ്യൂസ്റ്റണ്‍ നിര്‍വഹിച്ചു.ഷിബു ജോര്‍ജ് ഹൂസ്റ്റണ്‍, ജോസഫ് ടി ജോര്‍ജ്ജ് (രാജു), ഹൂസ്റ്റണ്‍ എന്നിവര്‍ ടെക്നിക്കല്‍ കോര്‍ഡിനേറ്ററായിരുന്നു.നവംബര്‍ 18ന് 601-ാമത് സെഷനില്‍ : റവ. ടിറ്റി യോഹന്നാന്‍(വികാരി, ഫിലാഡല്‍ഫിയ മാര്‍ത്തോമ്മാ ചര്‍ച്ച്, )മുഖ്യ പ്രഭാഷകനായിരിക്കും
Sin separates man from the Spirit of God and leads him into emptiness: Dr. Leena K. Cherian
