ചാർളി കിർക്കിനെ കൊലപ്പെടുത്തിയ ടൈലർ റോബിൻസൺ ആദ്യമായി കോടക്ക് മുന്നിൽ; കുറ്റങ്ങൾ ഇതുവരെ സമ്മതിക്കാതെ റോബിൻസൺയൂട്ടാ: പ്രമുഖ കൺസർവേറ്റീവ് രാഷ്ട്രീയ പ്രവർത്തകനായ ചാർളി കിർക്കിനെ വെടിവെച്ച് കൊന്ന കേസിൽ പ്രതിയായ 22-കാരനായ ടൈലർ റോബിൻസൺ അറസ്റ്റിന് ശേഷം ആദ്യമായി നേരിട്ട് യൂട്ടാ കോടതിയിൽ ഹാജരായി. ഇളം നീല ഷർട്ടും വരകളുള്ള ടൈയും കാക്കി പാന്റും ധരിച്ചാണ് റോബിൻസൺ കോടതിയിലെത്തിയത്. റോബിൻസൺ നിലവിൽ ഗുരുതരമായ കൊലപാതകം, തോക്ക് ഉപയോഗിച്ചുള്ള കുറ്റം, നീതിന്യായ വ്യവസ്ഥയെ തടസ്സപ്പെടുത്തൽ, സാക്ഷികളെ സ്വാധീനിക്കൽ, കുട്ടിയുടെ സാന്നിധ്യത്തിൽ അക്രമം കാണിക്കൽ തുടങ്ങിയ കുറ്റങ്ങളാണ് നേരിടുന്നത്.
കുറ്റങ്ങൾ റോബിൻസൺ ഇതുവരെ സമ്മതിച്ചിട്ടില്ല. മൂന്ന് ദിവസം നീണ്ടുനിൽക്കുന്ന പ്രാഥമിക വാദം 2026 മെയ് 18-ന് ആരംഭിക്കാൻ തീരുമാനിച്ചു. വെടിവെപ്പ് നടന്നതിൻ്റെ അടുത്ത ദിവസം, അതായത് സെപ്റ്റംബർ 11-നാണ് റോബിൻസൺ പോലീസിൽ കീഴടങ്ങിയത്. ഇതിന് മുൻപ് ഇയാൾ വീഡിയോ അല്ലെങ്കിൽ ഓഡിയോ വഴിയാണ് കോടതി നടപടികളിൽ പങ്കെടുത്തത്.
കോടതിയുടെ സുതാര്യതയും കേസിൻ്റെ പൊതു പ്രവേശനക്ഷമതയും സംബന്ധിച്ച വിഷയങ്ങളിലാണ് ഇന്നലെ നടന്ന വാദത്തിൽ പ്രധാനമായും ശ്രദ്ധ കേന്ദ്രീകരിച്ചത്. കോടതിയുടെ സുരക്ഷ, മാധ്യമ കവറേജ്, റോബിൻസണിന് സാധാരണ വസ്ത്രം ധരിക്കാനുള്ള അനുമതി എന്നിവ ചർച്ച ചെയ്യുന്നതിനായി ഒക്ടോബർ 24-ന് നടന്ന വാദം പൊതുജനങ്ങൾക്ക് മുന്നിൽ അടച്ചിരുന്നു. ഈ വാദത്തിൻ്റെ ട്രാൻസ്ക്രിപ്റ്റ് മാധ്യമ സ്ഥാപനങ്ങൾ ആവശ്യപ്പെട്ടെങ്കിലും, റോബിൻസണിൻ്റെയും യൂട്ടാ സംസ്ഥാനത്തിൻ്റെയും അഭിഭാഷകർ ട്രാൻസ്ക്രിപ്റ്റിൽ ചില ഭാഗങ്ങൾ ഒഴിവാക്കണമെന്ന് നിർദ്ദേശിച്ചിട്ടുണ്ട്.
