കാലിഫോർണിയയിൽ കനത്തമഴയിലും കൊടുങ്കാറ്റിലും മൂന്നുപേർ കൊല്ലപ്പെട്ടു: തെക്കൻ കാലിഫോർണിയ കൗണ്ടികളിൽ അടിയന്തിരാവസ്ഥ പ്രഖ്യാപിച്ചു

കാലിഫോർണിയ: കാലിഫോർണിയയിലെ പല സ്ഥലങ്ങളിലും ഉണ്ടായ അതിശ ക്തമായ മഴയിലും വെള്ളപ്പൊക്കത്തിൽ മൂന്നുപേർ കൊല്ലപ്പെട്ടു. ലോസ് ഏഞ്ചൽസ് കൗണ്ടിയിലെ ചില ഭാഗങ്ങളിൽ 27 സെന്റീമീറ്റർ മഴ പെയ്തതിനാൽ ഈ മേഖലയിൽ നിന്നും .ആളുകളെ ഒഴിപ്പിക്കേണ്ടി വന്നു,

പ്രധാന റോഡുകൾ അടച്ചു. വെള്ളിയാഴ്ച വരെ മഴയും ശക്തമായ കാറ്റും തുടരുമെന്ന് കാലാവസ്ഥാ നിരീക്ഷണ കേന്ദ്രം വ്യക്തമാക്കി.കാലിഫോർണിയ ഗവർണർ
ഗാവിൻ ന്യൂസം ബുധനാഴ്ച ലോസ് ഏഞ്ചൽസിലും തെക്കൻ കാലിഫോർണിയ കൗണ്ടികളിലും അടിയന്തരാവസ്ഥ പ്രഖ്യാപിച്ചു.

വ്യാഴാഴ്ച വൈകുന്നേരം വരെ സംസ്ഥാനത്ത് 100,000 ആളുകൾക്ക് വൈദ്യുതി മുടങ്ങി. നിരവധി മിന്നൽ പ്രളയങ്ങൾക്ക് സാധ്യതയുണ്ടെന്ന്” യുഎസ് കാലാവസ്ഥാ പ്രവചന കേന്ദ്രം വ്യാഴാഴ്ച പറഞ്ഞു. കാലിഫോർണിയയിലെ സാൻ ഡീഗോയിൽ നിന്നുള്ള 64 വയസ്സുള്ള ഒരാൾ ബുധനാഴ്ച രാവിലെ മരം വീണു മരിച്ചതായി പോലീസ് വകുപ്പ് യുഎസ് മാധ്യമങ്ങളോട് പറഞ്ഞു. കാലിഫോ ർണിയയിലെ റെഡ്ഡിംഗിൽ വെള്ളത്തിൽ കുടുങ്ങിയ വാഹനത്തിൽ 74 വയസ്സുള്ള വ്യക്തി മരിച്ചതായി നഗരാധികൃതർ വ്യക്തമാക്കി.

തിങ്കളാഴ്‌ച, കാലിഫോർണിയയിലെ മെൻഡോസിനോ കൗണ്ടിയിൽ തിരയിൽപ്പെട്ട് 70 വയസ്സുള്ള ഒരു സ്ത്രീ മരിച്ചുവെന്ന് ഷെരീഫ് ഓഫീസ് ഒരു പ്രസ്താവനയിൽ പറഞ്ഞു.

തെക്കൻ കാലിഫോർണിയയിലെ സാൻ ബെർണാർഡിനോ കൗണ്ടിയിൽ അപകട സാധ്യത ഉളളതിനാൽ ഈ മേഖലയില ആളുകളെ മാറ്റിപ്പാർപ്പിക്കാൻ നിവാസികൾക്ക് ഒഴിപ്പിക്കൽ മുന്നറിയിപ്പുകൾ നല്കിയിരുന്നു.

സാൻ ജോസിനടുത്തുള്ള ഒരു നിരീക്ഷണാലയത്തിൽ കാറ്റിന്റെ വേഗത മണിക്കൂറിൽ 100 ​​മൈൽ (161 കിലോമീറ്റർ) കവിഞ്ഞതായി സാൻ ഫ്രാൻസിസ്കോ ക്രോണിക്കിൾ റിപ്പോർട്ട് ചെയ്തു. കൊടുങ്കാറ്റിനെ തുടർന്ന് ലോസ് ഏഞ്ചൽസ് മേയർ കാരെൻ ബാസും അടിയന്തരാവസ്ഥ പ്രഖ്യാപിക്കുകയും തിരക്കേറിയ അവധിക്കാല യാത്രാ ജാഗ്രത പാലിക്കാൻ താമസക്കാർക്ക് മുന്നറിയിപ്പ് നൽകുകയും ചെയ്തു.

Heavy rain storms in California leave three dead as of Christmas night

“