തിരുവനന്തപുരം: ലൈംഗീകാതിക്രമ കേസില് രാഹുല് മാങ്കൂട്ടത്തില് നല്കിയ മുന്കൂര് ജാമ്യാപേക്ഷയില് വിധി നാളെ വിധിയുണ്ടായേക്കും. കേസ് തുടര്വാദത്തിനായി നാളത്തേയ്ക്ക് മാ്റ്റി. നാളെ രാവിലെ കേസ് വീണ്ടും പരിഗണിക്കുമെന്ന് കോടതി അറിയിച്ചു.
ഇരുകൂട്ടരും സമര്പ്പിച്ച രേഖകള് വിശദമായി പരിശോധിച്ച ശേഷം, അതിന്മേല് വാദം കൂടി കേട്ടശേഷമാകും വിധി പ്രസ്താവിക്കുകയെന്നാണ് സൂചന. എന്നാല് കേസില് വിധി പുറപ്പെടുവിക്കുന്നതു വരെ രാഹുല് മാങ്കൂട്ടത്തിലിന്റെ അറസ്റ്റ് കോടതി തടഞ്ഞിട്ടില്ല.
രാഹുല് മാങ്കൂട്ടത്തില് സമര്പ്പിച്ച മുന്കൂര് ജാമ്യാപേക്ഷയില് തിരുവനന്തപുരം സെഷന്സ് കോടതിയിലെ അടച്ചിട്ട മുറിയില് ഒന്നര മണിക്കൂറോളമാണ് വാദം നടന്നത്. മുന്കൂര് ഹര്ജിയില് വിധി പുറപ്പെടുവിക്കരുതെന്നുവരെ അറസ്റ്റ് തടയണമെന്ന് പ്രതിഭാഗം ആവശ്യപ്പെട്ടു.
എന്നാല് ജനപ്രതിനിധി കൂടിയായ രാഹുല് മാങ്കൂട്ടത്തില് ഒളിവിലാണെന്നും, ഇതുവരെ കേസ് അന്വേഷണവുമായി സഹകരിച്ചിട്ടില്ലെന്നും പ്രോസിക്യൂഷന് ചൂണ്ടിക്കാട്ടി. അതിനാല് അറസ്റ്റ് ഉണ്ടാകില്ലെന്ന് ഉറപ്പു നല്കാനാവില്ലെന്നും പ്രോസിക്യൂഷന് അറിയിച്ചു.
Rahul Mangkootatil’s bail plea in sexual assault case likely to be decided tomorrow
