ശബരിമല: മകരവിളക്ക് ഉത്സവത്തിനായി ശബരിമല നട ഇന്ന് തുറക്കും. വൈകുന്നേരം അഞ്ചിന് തന്ത്രി കണ്ഠര് മഹേഷ് മോഹനരുടെ സാന്നിധ്യത്തില് മേല്ശാന്തി ഇ.ഡി പ്രസാദ് നമ്പൂതിരി നട തുറക്കും.
മേല്ശാന്തി സന്നിധാനത്തെ ആഴിയില് അഗ്നി പകര്ന്ന ശേഷം ഭക്തര്ക്കു പതിനെട്ടാം പടി ചവിട്ടി ദര്ശനം നടത്താം.ഇന്ന് പൂജകളില്ല. രാത്രി 11നു ഹരിവരാസനം പാടി നട അടയ്ക്കും. മൂന്ന് ദിവസങ്ങളിലായി സന്നിധാനത്ത് ശുചീകരണമടക്കമുള്ളവ പൂര്ത്തിയാക്കി.
ഇന്ന് വെര്ച്വല് ക്യൂ വഴിയുള്ള ദര്ശനം 30,000 പേര്ക്ക് മാത്രമായി നിജപ്പെടുത്തിയിട്ടുണ്ട്.നാളെ മുതല് നെയ്യഭിഷേകവും പതിവു പൂജകളും തുടരും. ജനുവരി 14നാണ് മകര വിളക്ക്.
Sabarimala temple to open today for Makaravilakku festival
