മുംബൈ: മുന് കേന്ദ്ര ആഭ്യന്തരമന്ത്രിയും മുതിര്ന്ന കോണ്ഗ്രസ് നേതാവുമായശിവരാജ് പാട്ടീല് (91) അന്തരിച്ചു. വാര്ധക്യസഹജമായ അസുഖത്തെ തുടര്ന്ന് ഇന്ന് രാവിലെ 6.30 ഓടെ മഹാരാഷ്ട്രയിലെ ലാത്തുരിലെ വസതിയിലായിരുന്നു അന്ത്യം. 1972ല് ആദ്യമായി മഹാരാഷ്ട്ര നിയമസഭാംഗമായതോടെയാണ് ശിവരാജ് പാട്ടീലിന്റെ രാഷ്ട്രീയ ജീവിതമാരംഭിക്കുന്നത്.
പിന്നീട് സംസ്ഥാന മന്ത്രിയായും സ്പീക്കറായും പ്രവര്ത്തിച്ച ശേഷം 1980-ല് ലാത്തൂരില് നിന്ന് ലോക്സഭാംഗമായി തെരഞ്ഞെടുക്കപ്പെട്ടു. 2004 വരെ ലാത്തൂര് മണ്ഡലത്തില് നിന്ന് തുടര്ച്ചയായി ഏഴു തവണ ലോക്സഭാംഗമായിരുന്നു. 1980 മുതല് 1989 വരെ കേന്ദ്രമന്ത്രി പ്രവര്ത്തിച്ചു. 1991 മുതല് 1996 വരെ ലോക്സഭ സ്പീക്കറായിരുന്നു ശിവരാജ് പാട്ടീല്.
2004-ലെ തെരഞ്ഞെടുപ്പില് ലാത്തൂരില് നിന്ന് വീണ്ടും ലോക്സഭയിലേക്ക് മത്സരിച്ചെങ്കിലും ആദ്യമായി പരാജയപ്പെട്ടു. തുടര്ന്ന് 2004-ല് തന്നെ മഹാരാഷ്ട്രയില് നിന്ന് രാജ്യസഭാംഗമായി. 2004 മുതല് 2008 വരെ കേന്ദ്ര ആഭ്യന്തരമന്ത്രിയായിരുന്നു.
Senior Congress leader Shivraj Patil passes away
