നോര്ത്ത് അമേരിക്കന് മലയാളികളുടെ സംഘടനയായ – ഫെഡറേഷന് ഓഫ് മലയാളി അസോസിയേഷന്സ് ഓഫ് നോര്ത്ത് അമേരിക്ക (FOMAA)യുടെ 2026-2028 നിയമനത്തിനായുള്ള തെരഞ്ഞെടുപ്പിന്റെ ഭാഗമായി പ്രസിഡന്റ് സ്ഥാനാര്ഥിയായ മാത്യു വര്ഗീസ് നയിച്ച ‘ഫോമ പ്രോമിസ് ടീമിന്റെ’ ഫ്ലോറിഡ ജനസമ്പര്ക്ക പര്യടനം വിജയകരമായി പൂര്ത്തിയായി.
മയാമിയില് നിന്ന് ആരംഭിച്ച പര്യടനം ഓര്ലാന്ഡോ വഴി സഞ്ചരിച്ച് താമ്പായില് സമാപിച്ചു. നവംബര് 21, 22, 23 തീയതികളിലായി സണ്ഷൈന് റീജിയനിലെ സമൂഹനേതാക്കളെയും സംഘടനാ പ്രതിനിധികളെയും നേരില് കണ്ടുമുട്ടി, അവരുടെ ആശങ്കകളും പ്രതീക്ഷകളും കേള്ക്കുന്നതിനോടൊപ്പം ഭാവി പ്രവര്ത്തനരേഖ പങ്കുവെക്കുന്നതും ഈ പര്യടനത്തിന്റെ ലക്ഷ്യമായിരുന്നു.
ഈ ജനസമ്പര്ക്ക പരിപാടിയിലൂടെ ലഭിച്ച ഊര്ജ്ജവും ജനപിന്തുണയും, അമേരിക്കന് മലയാളികളുടെ ഉന്നമനത്തിനും അഭിവൃദ്ധിക്കും വേണ്ടി പൊതുദര്ശനരൂപരേഖ തയ്യാറാക്കുന്നതില് നിര്ണ്ണായകമായി സഹായിക്കും എന്ന് മാത്യു വര്ഗീസ് അഭിപ്രായപ്പെട്ടു.പതിറ്റാണ്ടുകളായി മലയാളി സമൂഹത്തിലെ വിവിധ രംഗങ്ങളില് സേവനമനുഷ്ഠിച്ച മാത്യു വര്ഗീസ്, പലര്ക്കും ഏഷ്യാനെറ്റ് ജോസ എന്ന പേരില് പരിചിതനായ വ്യക്തിയാണ്. സമൂഹവുമായി സ്വാഭാവിക സമന്വയത്തിലൂടെ പ്രവര്ത്തിക്കുന്ന അദ്ദേഹത്തിന്റെ നേതൃശൈലി ഈ പര്യടനത്തിലും ശ്രദ്ധേയമായി.
ഫോമ പ്രോമിസ് ടീം യുവത്വശക്തി, സംസ്കാരബോധം, സാമൂഹിക പ്രതിബദ്ധത, പ്രായോഗികത എന്നിവയുടെ സമന്വയത്തിലൂടെ സമതുലിതമായ സംഘമായി വിലയിരുത്തപ്പെടുന്നു.അനു സ്കറിയ, ടിറ്റോ ജോണ്, രേഷ്മ രഞ്ജന് എന്നിവരുടെ യുവജനകേന്ദ്രിതമായ കാഴ്ചപ്പാടുകള് ബിനോയ് തോമസ്, ജോണ്സണ് ജോസഫ് എന്നിവരുടെ സ്ഥിരതയുള്ള പൊതുസേവനാനുഭവം എല്ലാം കൂടി സമൂഹത്തിന്റെ യഥാര്ത്ഥ ആവശ്യങ്ങള് തിരിച്ചറിയുന്ന ശക്തമായ ദിശയിലേക്ക് ടീമിനെ നയിക്കുന്നു.
പര്യടനത്തില് പങ്കെടുത്തവരുടെ അഭിപ്രായത്തില്, ഫോമയുടെ അടുത്ത ഭരണസമിതിയായി ഈ ടീം ഉയരാന് ഉള്ള സാധ്യതകള്, നോര്ത്ത് അമേരിക്കന് മലയാളി സമൂഹത്തില് പുതുവിചാരങ്ങള്ക്കും ഉത്തരവാദിത്തബോധത്തിനും മാറ്റത്തിനുമുള്ള പ്രതീക്ഷകളെ വര്ധിപ്പിച്ചിരിക്കുകയാണ്.
The Sunshine Region tour of the Foma Promise team led by Mathew Varghese concluded successfully, bringing new hopes to American Malayalis.
