സുരേന്ദ്രന് നായര്
കേരളത്തിന്റെ തീര്ത്ഥസ്നാനിയായ നിളയുടെ തീരത്ത് ജനുവരി 18 മുതല് ഫെബ്രുവരി 3 വരെ നടക്കുന്ന ചരിത്രപ്രസിദ്ധമായ ‘മഹാമാഘം’ മഹോത്സവത്തിനും സന്യാസി സംഗമത്തിനും പൂര്ണ്ണ പിന്തുണ പ്രഖ്യാപിച്ച് നോര്ത്ത് അമേരിക്കയിലെ മലയാളി ഹൈന്ദവരുടെ സംഘടനയായ ‘കെ.എച്ച്.എന്.എ’ (KHNA). രണ്ടു നൂറ്റാണ്ടുകള്ക്ക് മുന്പ് വൈദേശിക ഭരണസ്വാധീനത്താല് നിലച്ചുപോയ, മലയാളനാടിന്റെ വലിയൊരു സാംസ്കാരിക മഹോത്സവത്തിന്റെ തിരിച്ചുവരവിനാണ് തിരുനാവായ സാക്ഷ്യം വഹിക്കുന്നത്.
ഈ തിരിച്ചുവരവിന് നേതൃത്വം നല്കുന്ന ജൂന അഗാഡയുടെ മഹാ മണ്ഡലേശ്വര് പൂജ്യ സ്വാമി ആനന്ദവനം ഭാരതി മഹാരാജ്, മഹാമാഘത്തിന്റ സന്ദേശവും ലക്ഷ്യങ്ങളും അമേരിക്കന് ഹൈന്ദവ സമൂഹവുമായി വിദൂര ദൃശ്യ മാധ്യമത്തിലൂടെ പങ്കുവച്ചിരുന്നു.
കെ.എച്ച്.എന്.എ. പ്രസിഡന്റ് ടി ഉണ്ണികൃഷ്ണന് സെക്രട്ടറി സിനു നായര് ട്രഷറര് അശോക് മേനോന് ട്രസ്റ്റി ചെയര്പേഴ്സണ് വനജ നായര് എന്നിവര് നേതൃത്വം നല്കിയ അമേരിക്കന് വിശ്വാസി സംഗമത്തില് സര്വ്വമതങ്ങളേയും ആദരിച്ചു ആനയിച്ച ഹൈന്ദവ ധര്മ്മം എന്ന് കേരളത്തില് നേരിടുന്ന അതിക്രമങ്ങളെയും വെല്ലുവിളികളെയും കുറിച്ചുള്ള ആശങ്കകള് സ്വാമി ആനന്ദവനം ഭാരതിയുമായി പങ്കുവച്ചു.
പ്രകൃതിയെയും പ്രകൃതി പ്രതിഭാസങ്ങളെയും ആദരിച്ചു ആരാധിക്കുന്ന ഭാരതത്തിന്റെ പരമ്പരാഗതമായ ആധ്യാത്മികതയുടെയും ധര്മ്മ സങ്കല്പങ്ങളുടെയും വിട്ടുവീഴ്ചയില്ലാത്ത വീണ്ടെടുപ്പാണ് പരിഹാരമെന്ന് സ്വാമി നിരവധി അഖിലേന്ത്യ ഉദാഹരണങ്ങള് നിരത്തി സമര്ത്ഥിച്ചു.ധര്മ്മ സംരക്ഷണത്തിനും സാമൂഹ്യ സേവനങ്ങള്ക്കുമായി ജീവിതം ഉഴിഞ്ഞുവെച്ച സന്യാസി സമൂഹത്തെ സംരക്ഷിക്കേണ്ടത് ഭാരതീയ സംസ്കാരത്തിന്റെ ഭാഗമാണെന്നും, ഇത്തരം യജ്ഞങ്ങള്ക്ക് സഹായം നല്കേണ്ടത് ഓരോ വിശ്വാസിയുടെയും കടമയാണെന്നും യോഗം വിലയിരുത്തി.
പതിനേഴു ദിവസം നീണ്ടു നില്ക്കുന്ന സംഗമത്തിലേക്കും എല്ലാ ദിവസവും നടക്കുന്ന നിളാ ആരതിയിലേക്കും എത്തിച്ചേരുന്ന ഭക്തജനങ്ങള്ക്ക് ഭൗതിക സൗകര്യങ്ങള് ഒരുക്കാനും ഭക്ഷണം നല്കാനും ഒരു വലിയ തുകയുടെ ചെലവാണ് സംഘാടകര് പ്രതീക്ഷിക്കുന്നത്.
പതിനേഴു ദിവസം നീണ്ടു നില്ക്കുന്ന സംഗമത്തിലേക്കും, നിളാ ആരതിയിലേക്കും എത്തുന്ന ഭക്തജനങ്ങള്ക്ക് അന്നദാനമടക്കമുള്ള സൗകര്യങ്ങള് ഒരുക്കുന്നതിനായി വലിയൊരു തുക ആവശ്യമായി വരുന്നുണ്ട്. ഈ ഉദ്യമത്തില് പങ്കാളികളാകാന് അമേരിക്കന് മലയാളികള്ക്ക് കെ.എച്ച്.എന്.എ അവസരമൊരുക്കുന്നു.
സംഭാവന നല്കാന് ആഗ്രഹിക്കുന്നവര് കെ.എച്ച്.എന്.എ ഭാരവാഹികളുമായി ബന്ധപ്പെടുകയോ www.namaha.org എന്ന വെബ്സൈറ്റ് സന്ദര്ശിക്കുകയോ ചെയ്യുക.
KHNA’s support for the Mahamagha Mahotsavam, the Kumbh Mela of Kerala
