സാൻ ഡീഗോ: വിവിധ ക്രിമിനൽ കേസുകളിൽ പ്രതിയായ ജഷൻപ്രീത് സിംഗ് എന്ന ഇന്ത്യൻ പൗരനെ അമേരിക്കൻ ഇമിഗ്രേഷൻ ആൻഡ് കസ്റ്റംസ് എൻഫോഴ്സ്മെന്റ് (ICE) അറസ്റ്റ് ചെയ്തു. സാൻ ഡീഗോയിലെ എൻഫോഴ്സ്മെന്റ് ആൻഡ് റിമൂവൽ ഓപ്പറേഷൻസ് (ERO) വിഭാഗമാണ് ഇയാളെ പിടികൂടിയത്.
ഗുരുതരമായ കുറ്റകൃത്യങ്ങൾ:
ജഷൻപ്രീത് സിംഗിന്റെ പേരിൽ നിരവധി ക്രിമിനൽ കേസുകൾ നിലവിലുണ്ടെന്ന് ഉദ്യോഗസ്ഥർ അറിയിച്ചു.
ഭീഷണിപ്പെടുത്തി ഭീകരാന്തരീക്ഷം സൃഷ്ടിക്കാൻ ശ്രമിച്ച കേസ്.
മാരകായുധം ഉപയോഗിച്ചുള്ള ആക്രമണം,ആയുധങ്ങൾ ഉപയോഗിച്ച് ആളുകളെ പരിക്കേൽപ്പിക്കാൻ ശ്രമിച്ച കുറ്റം. ലഹരി ഉപയോഗിച്ച് വാഹനം ഓടിച്ച കേസുകളും ഇയാൾക്കെതിരെ നിലവിലുണ്ട്.
അമേരിക്കയിലെ താമസ രേഖകളില്ലാതെ ക്രിമിനൽ പ്രവർത്തനങ്ങളിൽ ഏർപ്പെടുന്നവരെ കണ്ടെത്തി പുറത്താക്കുന്ന നടപടികളുടെ ഭാഗമായാണ് ഈ അറസ്റ്റ്. ഇയാളെ ഇന്ത്യയിലേക്ക് നാടുകടത്തുന്നതിനുള്ള നടപടികൾ അധികൃതർ ആരംഭിച്ചിട്ടുണ്ട്.
