റിയാദ്: ഇറാനെതിരായി അമേരിക്കയും ഇസ്രയേലും സംയുക്തമായി നടത്തുന്ന യുദ്ധത്തില് ഗള്ഫ് രാജ്യങ്ങളായ സൗദി അറേബ്യയും യുഎഇയും പങ്കുചേരുമെന്നു അഭ്യൂഹം. അമേരിക്കയ്ക്ക് സൈനീക താവളം അനുവദിച്ചതിന്റെ പേരില് സൗദി യ്ക്കും യുഎഇക്കുമെതിരേ ഇറാന് മിസൈല് ആക്രമണങ്ങള് തുടര്ച്ചയായി നടത്തി യിരുന്നു. ഇതിനിടെ ഹോര്മൂസ് കടലിടുക്കില് ഇറാന്റെ ആധിപത്യം കൂടുതല് ശക്തമായതോടെ തങ്ങള്ക്ക് കൂടുതല് ഭീഷണിയെന്ന നിഗമനത്തിലാണ് പല ഗള്ഫ് രാജ്യങ്ങളും. ഇത്തരമൊരു സാഹചര്യത്തിലാണ് ഇറാനെതിരേയുള്ള യുദ്ധത്തില് പങ്കാളികളാകുന്നതിനെക്കുറിച്ച് ഇരു രാജ്യങ്ങളും ആലോചിക്കുന്നത്.
സംഘര്ഷം രൂക്ഷമാകുന്നതിനെതിരെ മുന്നറിയിപ്പുകള്ക്കു ശേഷവും ഇരാന് പിന്മാറാത്ത സാഹചര്യത്തിലാണ് യുഎഇ, സൗദി അറേബ്യ, ബഹ്റൈന്, ഖത്തര് തുടങ്ങിയ ഗള്ഫ് രാജ്യങ്ങള് തങ്ങളുടെ നിലപാട് പുനഃപരിശോധിക്കാന് നീക്കം. ു. സൈനിക നടപടിയായാലും സാമ്പത്തിക സമ്മര്ദ്ദമായാലും പോരാട്ടത്തില് എത്രത്തോളം ഇടപെടണമെന്ന് അവര് ആലോചിച്ചുകൊണ്ടിരിക്കുകയാണെന്ന് വാള് സ്ട്രീറ്റ് ജേണല് റിപ്പോര്ട്ട് ചെയ്തു.
അമേരിക്കയും ഇസ്രായേലും ഇറാനെതിരേ നടത്തിയ ഓപ്പറേഷന് എപ്പിക് ഫ്യൂറിയും ഓപ്പറേഷന് റോറിംഗ് ലയണും ആരംഭിച്ചപ്പോള്, ഇറാന്റെ ആണവ അഭിലാഷ ങ്ങളെയോ മിസൈല് പദ്ധതിയെയോ തടയാന് ആക്രമണങ്ങള്ക്ക് കഴിയുമോ എന്ന് ഗള്ഫ് രാജ്യങ്ങള് നേരത്തെ സംശയം പ്രകടിപ്പിച്ചിരുന്നു. നയതന്ത്രത്തിലൂടെ പ്രസ്നപരിഹാരമുണ്ടാകുമെന്നു പ്രതീക്ഷിച്ചിരുന്നു. എന്നാല് ഇറാനിയന് ആക്രമണം ആ കണക്കുകൂട്ടലിനെ മാറ്റിമറിച്ചു.ഖത്തറിലെ റാസ് ലഫാന് ഗ്യാസ് ഹബ്ബിനു നേരെയുണ്ടായ ആക്രമണം ഉള്പ്പെടെ, ഗള്ഫിലുടനീളമുള്ള ഊര്ജ്ജ അടിസ്ഥാന സൗകര്യങ്ങളെയും നഗരങ്ങളെയും ലക്ഷ്യമിട്ടുള്ള മിസൈല്, ഡ്രോണ് ആക്രമണങ്ങള് സര്ക്കാരുകളെ അസ്വസ്ഥമാക്കുകയും എണ്ണ, ഗ്യാസ്, ടൂറിസം തുടങ്ങിയ അവരുടെ സമ്പദ്വ്യവസ്ഥയുടെ പ്രധാന മേഖലകളെ ബാധിക്കുകയും ചെയ്തു.
ഇത്തരം ആക്രമണങ്ങള് ഗള്ഫ് രാജ്യങ്ങളെ അമേരിക്കന് പ്രസിഡന്റ് ഡൊണാള്ഡ് ട്രംപിനെതിരെ വെടിനിര്ത്തല് കരാറിലേക്ക് സമ്മര്ദ്ദം ചെലുത്താന് പ്രേരിപ്പിക്കുമെന്ന് ഇറാന് പ്രതീക്ഷിച്ചിരുന്നു. എന്നാല് അമേരിക്കയും ഇസ്രയേലും ആക്രമണം കടുപ്പിക്കുകയാണ് ഉണ്ടായത്.
തുടര്ന്ന് ഇറാനും തിരിച്ചടി ശക്തമാക്കി. ലോകത്തിലെ ഏറ്റവും നിര്ണായകമായ ഊര്ജ്ജ ഇടനാഴിയായ ഹോര്മൂസ് കടലിടുക്ക് തടസപ്പെടുത്തി.സമുദ്ര ചാനലിന്റെ ഉടമസ്ഥാവകാശം തങ്ങള്ക്കാണെന്ന് സൂചിപ്പിക്കുന്ന തരത്തില് ഗതാഗത ഫീസ് ഈടാക്കാനുള്ള ആശയവും അവര് മുന്നോട്ടുവച്ച ഇറാനെതിരായ ആക്രമണങ്ങള്ക്ക് തങ്ങളുടെ പ്രദേശം ഉപയോഗിക്കാന് അനുവദിക്കുന്നതില് വിമുഖത കാണിച്ച സൗദി അറേബ്യ, കിംഗ് ഫഹദ് വ്യോമതാവളത്തിലേക്ക് യുഎസ് സൈന്യത്തിന് പ്രവേശനം നല്കാന് സമ്മതിച്ചു.
യുഎഇ തങ്ങളുടെ സാമ്പത്തിക സംവിധാനത്തിലുള്ള കോടിക്കണക്കിന് ഡോളറിന്റെ ഇറാനിയന് ആസ്തികള് മരവിപ്പിക്കുന്നതിനെക്കുറിച്ച് ചര്ച്ച ചെയ്യുന്നുണ്ടെന്ന് വാള് സ്ട്രീറ്റ് ജേണല്റിപ്പോര്ട്ട് പറയുന്നു.
Rumor has it that Saudi Arabia and the UAE will join the US in a war against Iran
